အမေရိကန်နိုင်ငံ နိုင်ငံတကာ မူးယစ်ဆေးနှင့် ဥပဒေပြုရေးရာမှ လက်ထောက်အတွင်းရေမှူး William R. Brownfield သည် မြန်မာနိုင်ငံသို့ စက်တင်ဘာ ၂ရက်တွင် ရောက်ရှိပြီး စက်တင်ဘာ ၆ရက်အထိ ငါးရက်တာ လည်ပတ်မည်ဖြစ်ကြောင်း သိရသည်။
လက်ထောက်အတွင်းရေးမှူး William R. Brownfield၏ ငါးရက်တာ ခရီးစဉ်အတွင်း နိုင်ငံခြားရေး ၀န်ကြီးဌာန၊ ပြည်ထဲရေး ၀န်ကြီးဌာနနှင့် ပါတီအဖွဲ့အစည်းများမှ ခေါင်းဆောင်များနှင့် တွေ့ဆုံမည်ဖြစ်ပြီး မြန်မာအစိုးရ၏ မူးယစ်ဆေးဝါး ထိန်းချူပ်တားဆီးရေးဆိုင်ရာနှင့် ပြုပြင်ပြောင်းလဲမှုများကို အလေးထား ဆွေးနွေးမည်ဟု ဆိုသည်။
International Narcotics and Law Enforcement Affairs (INL) အဖွဲ့သည် နိုင်ငံပေါင်း ၈၀ကျော်တွင် အမေရိကန် ဒေါ်လာလေးဘီယံဖြင့် မူးယစ်ဆေးဝါး တားဆီးကာကွယ်ရေးနှင့် ဆန့်ကျင်ရေးဆိုင်ရာ မှုခင်းများတွင် ဥပဒေရေးရာ တွန်းအားပေးခြင်းနှင့် တရားဥပဒေ စိုးမိုးရေး လုပ်ငန်းများ ဆောင်ရွက်ပေးနေသည့် အဖွဲ့အစည်းဖြစ်သည်။
William R. Brownfield၏ ခရီးစဉ်အတွင်း စက်တင်ဘာ ၆ရက်တွင် မြန်မာနိုင်ငံ ခရီးစဉ်အတွေ့အကြုံများကို မြန်မာနိုင်ငံဆိုင်ရာ အမေရိကန်သံရုံးတွင် မီဒီယာများနှင့် ဆွေးနွေးပွဲတစ်ရပ် ပြုလုပ်သွားရန်ရှိကြောင်းလည်း သိရပါသည်။