အမေရိကန်ရှိ James Madison Universityက မြန်မာနိုင်ငံမှ ဆယ်တန်းအောင်နှင့် iGCSE ကျောင်းသား၊ ကျောင်းသူများအတွက် ပညာသင်ထောက်ပံ့ကြေး၊ ဒေါ်လာ ၅၀၀၀အထိ ပညာသင်ဆု ပေးသွားမည်ဖြစ်ကြောင်း CROWN Educationမှ သိရသည်။ မြန်မာကျောင်းသားများအနေဖြင့် အမေရိကန် တက္ကသိုလ်ပထမနှစ်ဖြင့် ညီမျှသော International First Year Programကို စတင် လျှောက်ထားနိုင်ပြီး SAT/GMAT ရမှတ်များ တင်ပြရန် မလိုပဲ IELTS 5.5 (သို့) TOEFL 525ဖြင့် လျှောက်ထားနိုင်ကြောင်း၊ ယင်း Programတွင် စီးပွားရေး၊ အင်ဂျင်နီယာ၊ သိပ္ပံ၊ အိုင်တီပညာရပ်များ သင်ယူပြီးမြောက်ပါက ဒီဂရီဒုတိယနှစ်သို့ တက်ရောက်ပြီး နှစ်သက်ရာ ဘာသာရပ်များကို ရွေးချယ်သင်ယူနိုင်ကြောင်း သိရသည်။ ပညာသင်နှင့် 2 Semesterနှင့် 3 Semesterဟူ၍ နှစ်မျိုးရှိပြီး 2 Semesterအတွက် ကျောင်းလခမှာ အမေရိကန် ဒေါ်လာ ၁၈၄၈၀နှင့် 3 Semester အတွက် ကျောင်းလခ အမေရိကန် ဒေါ်လာ ၂၆၀၉၅ ကုန်ကျမည်ဖြစ်ကြောင်း၊ အသေးစိတ် သိလိုပါက CROWN Education ဖုန်း 09-732-732-77၊ 09-508-9185တို့သို့ ဆက်သွယ်မေးမြန်းနိုင်ကြောင်း သိရှိရသည်။
The Yangon Times Daily