ကမ္ဘာ့ အကြီးဆုံး ကွန်ပြူတာထုတ်လုပ်တဲ့ Company တွေထဲကတစ်ခုဖြစ်တဲ့ Lenovo က သူ့ရဲ့ပထမဆုံး ရှစ်လက်မ အရွယ်အစားရှိတဲ့ Windows Tablet ကို ဗုဒ္ဓဟူး နေ့က ထုတ်ဖော်ပြသလိုက်ပါတယ်။ Windows 8.1 ကိုမောင်းနှင်အသုံးပြုမှာဖြစ်ပြီး Screen သေးငယ်တဲ့ Windows Tablet တွေထုတ်လုပ်တဲ့နယ်ပယ်ထဲကို စောစောစီးစီး ၀င်ရောက်လာခဲ့ပါပြီ။
Miix2 လို့နာမည်ပေးထားပြီး ရိုးရှင်းတဲ့ ဒီဇိုင်း ကိုအသုံးပြုထားပါတယ်။ အရှေ့၊ အနောက် ကင်မရာ နှစ်ခုပါရှိမှာဖြစ်ပြီး 2 megapixels , 5 megapixels အသီးသီး တပ်ဆင်ထားပါတယ်။ 64 GB Storage ပါရှိပြီး 128 GB ထိထပ်ဖြည့်နိုင်တဲ့ Micro SD Slot လည်းပါရှိပါတယ်။
Intel ရဲ့Bay Trail-T Quad Core Processor ကိုအသုံးပြုထားပြီး Windows XP, 7 တို့က Apps တွေကိုတောင် Run ပေးနိုင်ပါတယ်။ Display ကတော့ 1280 x 800 ဖြစ်ပြီး ဒီနေ့ခေတ် Tablet တွေရဲ့စံနှုန်း နဲ့ကိုက်ညီပါတယ်။ အနက်ရောင်၊ ပန်းရောင်၊ အပြာရောင် Cover တွေကိုလည်း တပ်ဆင်အသုံးပြုနိုင်ပြီး Stand အနေနဲ့လည်းသုံးနိုင်ပါတယ်။
$299 သတ်မှတ်ထားပြီး ဒီလကုန်ပြီးနောက်ပိုင်းမှာ ၀ယ်ယူနိုင်မယ်လို့ Lenovo ကပြောပါတယ်။