မလေးရှားအဆင့်မြင့် ပညာရေး၀န်ကြီးဌာနမှ ကြီးမှုးကျင်းပမည့် ပထမဆုံးအကြိမ် သိပ္ပံဉာဏ်စွမ်းရည် အားစမ်းပွဲ (The First Science Challenge ,Yangon 2013) အား လာမည့် နို၀င်ဘာတွင် ကျင်းပမည် ဖြစ်ကြောင်းသိရသည်။
အဆိုပါ ပွဲအားမလေးရှားရှိ နိုင်ငံတကာ ဆေးတက္ကသိုလ်ဖြစ်သော International Medical University နှင့် Jenko Group Of Educate Services တို့ပူးပေါင်းကျင်းပခြင်း ဖြစ်ပြီး နို၀င်ဘာ၃ရက်တွင် ရန်ကုန်မြို့ရှိ ထရိတ်ဒါးဟိုတယ်၌ ပြုလုပ်သွားမည်ဖြစ်ကြောင်းသိရသည်။
ယင်းဉာဏ်စွမ်းရည်ပြိုင်ပွဲအား တက္ကသိုလ်၀င်တန်းအောင်မြင်ပြီးသူများနှင့် တက်ရောက်ဆဲကျောင်းသား ကျောင်းသူများ၊ IGCSEO Levil အဆင့်ရှိသည့် အသက်၁၅နှစ်မှ ၁၇နှစ်ရှိ ကျောင်းသားကျောင်းသူများ ပါ၀င် ယှဉ်ပြိုင်နိုင်မည် ဟုဆိုသည်။
“ဒီသိပ္ပံ ဉာဏ်စွမ်းရည်ပြိုင်ပွဲက ရန်ကုန်မှာကျင်းပတာ ပထမဆုံးပါ။ပြိုင်ပွဲမှာ နိုင်ငံတကာ စံချိန်စံညွှန်း အတိုင်းပြု လုပ်တာမို့လို့ ကျောင်းသားလူငယ်တွေ အတွက်နိုင်ငံတကာ အတွေ့အကြုံတွေရမယ်။ပညာသင်ကြားရေး အပါအ၀င်ဉာဏ်စမ်းဖြေဆို ရတာတွေကြောင့် ကိုယ့်ရဲ့ပညာရေးအဆင့်အတန်းကိုမြှင့်တင်နိုင်မယ်။ ပြိုင်ပွဲမှာ အနိုင်အရှုံးက အဓိကမဟုတ်ဘဲ နိုင်ငံတကာပညာရေး အတွေ့အကြုံရရေးမို့လို့ အကျိုးရှိပါတယ်”ဟု Jenko မှတာ၀န်ရှိသူတစ်ဦး ကပြောသည်။
ပြိုင်ပွဲတွင် လူဦးရေကန့်သတ်ထားသောကြောင့် ပြိုင်ပွဲ၀င်မည့်ကျောင်းသားများ၊ လေ့လာမည့်သူမျာ းနှင့်ဟောပြော ပွဲတက်ရောက်လိုသူများသည် ပြိုင်ပွဲမတိုင်မီ ကြိုတင်၍ အမည်စာရင်းပေးသွင်းရမည်ဖြစ်သည်။ထပ်မံသိရှိ လိုသည်များအား ဖုန််း ၀၉၅၀၆၂၈၉၁၊၀၉၄၂၀၀၇၆၃၁ တို့တွင် ဆက်သွယ်မေးမြန်းနိုင်ကြောင်း သိရသည်။
