နာမည်ကြီးကော်ဖီရောင်းချတဲ့ Company ဖြစ်တဲ့ Starbucks က Tweet-a-Coffee ဆိုတဲ့ အစီအဉ် တစ်ခုကို အစမ်းပြုလုပ်ပေးလိုက်ပါတယ်။ ဒီအစီအစဉ် က သင် ဟာ သင့်သူငယ်ချင်းအတွက် Twitter ကနေ $5 Gift Card ၀ယ်ယူပြီးပို့ပေးနိုင်မှာဖြစ်ပါတယ်။ ဒီလိုလုပ်ဖို့အတွက် သင့်ရဲ့ Twitter နဲ့ Starbucks ကို ချိတ်ဆက်ပေးရမှာဖြစ်ပြီး သင့်ရဲ့ Credit Card နဲ့လည်းချိတ်ဆက်ပေးထားရပါမယ်။ ပြီးရင် တော့ “@tweetacoffee” လို့ရိုက်ပြီးသင့်သူငယ်ချင်းဆီကို Tweet လုပ်ပေးရမှာပါ။ ဒါဆိုရင် သင့်သူငယ်ချင်းက Gift Card ကိုရရှိပါမယ်။ ပထမဆုံး ဒီအစီအစဉ်မှာပါ၀င်တဲ့လူ (၁၀၀၀၀၀) ဟာ သူတို့ရဲ့ Visa Cards တွေကို အသုံးပြုပြီး သူငယ်ချင်းကို ကော်ဖီ တစ်ခွက်၀ယ်တိုက်မယ်ဆိုရင် သူ့တို့အတွက် Starbucks က $5 Gift Card ကိုပေးမှာဖြစ်ပါတယ်။ (Visa Card ကိုင်ဆောင်သူတွေပဲဒီအခွင့်အရေးရရှိမှာပါ။)
Starbucks က ဒီအစီအစဉ် နဲ့ ဆင်တူတဲ့ အစီအစဉ် တစ်ခုကို ၂၀၁၁ ခုနှစ်ကပြုလုပ်ခဲ့ဖူးပြီး Facebook ကနေတစ်ဆင့် Gift Card တွေပေးပို့နိုင်တာဖြစ်ပါတယ်။ Starbucks က Facebook မှာ Fan ၃၅ သန်း ရှိပြီး Twitter မှာတော့ Follower ၅ သန်းပဲရှိပါတယ်။
Twitter ကိုအသုံးပြုရတဲ့ ရည်ရွယ်ချက်ကတော့ Mobile ဖုန်းတွေမှာ အသုံးပြုရတာအဆင်ပြေစေပြီး အင်တာနက်အသုံးမပြုတဲ့သူတွေဆီကိုပါရောက်ရှိနိုင်လို့ပါလို့ Starbucks ရဲ့ Digital Officer ဖြစ်တဲ့ Adam Brotman ကပြောပါတယ်။ ဒီလိုအစီအစဉ် ကို ပထမဆုံးစတင်လုပ်ဆောင်တာဖြစ်ပြီး တုန့်ပြန်မှုတွေနဲ့ ပိုကောင်းတဲ့ အကြံပြုချက်တွေကို စောင့်မျှော်နေပါတယ်လို့ ဆက်လက်ပြောဆိုပါတယ်။
