ဂိမ်းကစားလေ့ရှိသူတွေအတွက် Angry Bird ဂိမ်းဆိုတာ မသိသူမရှိလောက်အောင် လူကြိုက်များတဲ့ ဂိမ်းလေးဖြစ်ပြီး အဲဒီ Angry Bird ဂိမ်းနဲ့ ဆက်စပ်ဂိမ်းတွေလည်း အများအပြား ထွက်ရှိတဲ့အထဲမှာ အခုညွှန်ပေးချင်တဲ့ ဂိမ်းလေးကတော့ Turbo Pigs ဆိုတဲ့ ဂိမ်းလေးပါပဲ။ ဒီဂိမ်းလေးက အရင် Angry Bird ဂိမ်းတွေလို ငှက်ကလေးတွေဘက်က ကစားရမှာမျိုးမဟုတ်ပဲ ၀က်ကလေးဘက်က ကစားရမှာပါ။
Turbo Pigs ဂိမ်းလေးကစားပုံက လိုရာခရီးရောက်ဖို့ သွားနေတဲ့ ၀က်ကလေးက လမ်းခရီးမှာတွေ့ရတဲ့ ရွေှဒင်္ဂါးပြားတွေကို စုဆောင်းရင်း ဆူးတွေ၊ ချောက်တွေ၊ အတားအဆီးတွေအပြင် ၀က်ကလေးရဲ့ ရန်သူငှက်တွေကိုပါ ကျော်လွှားပြီး ပန်းတိုင်အရောက် သွားရမှာပါ။ ဒီဂိမ်းလေးမှာ အဆင့်သုံးဆင့် ပါ၀င်မှာဖြစ်ပြီး အဆင့်တစ်ဆင့် အောင်နိုင်ဖို့အတွက်ကိုတောင် ခက်ခက်ခဲခဲ ကစားရမှာ ဖြစ်ပါတယ်။ Angry Bird ထဲက ငှက်ကလေးအားလုံးနီးပါး ဒီဂိမ်းမှာ ပါ၀င်ပြီး ၀က်ကလေးတွေရဲ့ ခရီးစဉ် တစ်လျှောက်လုံးကို အမျိုးမျိုး တားဆီးတာကို ချစ်စဖွယ် တွေ့ရမှာပါ။ ၀က်ကလေးရဲ့ စွမ်းရည်မြှင့်တင်ဖို့ စုဆောင်းထားတဲ့ ရွေဒင်္ဂါးပြားတွေနဲ့လည်း လက်နက်တွေ ၀ယ်ယူနိုင်ပါလိမ့်မယ်။
ဒီဂိမ်းလေးက စက်တင်ဘာ ၅ရက်နေ့ကမှ အသစ်ထွက်ရှိလာတာဖြစ်ပြီး File Sizeက 28MB ရှိပါတယ်။ Android ဖုန်းတွေနဲ့ Tabletတွေမှာ ကစားနိုင်မယ့် ဒီဂိမ်းကို 1 Mobile Marketနဲ့ http://www.1mobile.com/tunbopigs-1009836.html မှာ အခမဲ့ ရယူနိုင်ပါတယ်။