အခုပေါ်ထွက်နေတဲ့ Samsung Galaxy Gear , Sony Smartwatch တို့ ရဲ့ ဒီဇိုင်းတွေဟာ လှပပေမယ့် Electronics ပစ္စည်းပုံစံတွေဖြစ်ပါတယ်။ အမျိုးသမီး တွေ ၀တ်ဆင်ဖို့အတွက်တော့ ဖက်ရှင်ကျလှပတဲ့ ဒီဇိုင်းတွေမဟုတ်ပါဘူး။ Atlanta က အမျိုးသမီး နှစ်ယောက်က ဒီ ပြဿနာကိုဖြေရှင်းဖို့အတွက် MEMI ဆိုတဲ့ Project တစ်ခုကိုပြုလုပ်လိုက်ပါတယ်။
အမျိုးသမီး များအတွက် အမျိုးသမီးများက ပြုလုပ်ထားတဲ့ စမတ် လက်ကောက် တွေပါလို့ ကြော်ညာထားကြပါတယ်။ တောက်ပတဲ့ ငွေရောင်လက်ကောက်လေးတွေဖြစ်ပြီး စမတ် နာရီ တွေလိုပဲ စမတ်ဖုန်းနဲ့ ချိတ်ဆက်အသုံးပြုလို့ရပါတယ်။ ဒါပေမယ့် စမတ်နာရီ တွေလိုတော့ နာရီကြည့်လို့ရတဲ့ မျက်နှာပြင်နဲ့ Functionsတွေတော်တော်များများတော့မပါပါဘူး။ MEMI က Phone Calls , Messages တွေလာရင် လက်ကောက်ကို တုန်ခါပြီး အသိပေးနိုင်ပါတယ်။
စမတ်ဖုန်းတွေနဲ့ တွဲဖက်နိုင်တယ်ဆိုပေမယ့် အခုလောလောဆည်တော့ iPhone တွေနဲ့ပဲချိတ်ဆက်အလုပ်လုပ်နိုင်ပါသေးတယ်။ iOS App ကိုအသုံးပြုရမှာဖြစ်ပြီး လူတွေသတ်မှတ်ထားနိုင်ပြီး သတ်မှတ်ထားတဲ့ လူတွေ ကဆက်သွယ်တဲ့အခါမှသာ စမတ်လက်ကောက်ကို အချက်ပေးခိုင်းဖို့ပြုလုပ်နိုင်ပါတယ်။
MEMI မှာ USB ကနေအားသွင်းနိုင်တဲ့ အပေါက်ပါရှိပြီး စမတ်လက်ကောက်ကို အဖွင့်၊ အပိတ်လုပ်ရင်သိနိုင်ဖို့ LED လည်းပါရှိပါတယ်။ ဈေးနုန်းကိုတော့ $150 သတ်မှတ်ထားပါတယ်။
စမတ်လက်ကောက်က Kickstarter လို့ခေါ်တဲ့ Crowdfunding Platform ဖြစ်ပြီး ဒီ Project အောင်မြင်ဖို့ လူအများကဝိုင်း၀န်းပံ့ပိုးပေးကြတာဖြစ်ပါတယ်။ သူတို့ရဲ့ Funding Goal ကို $100,000 သတ်မှတ်ထားပြီး အခုလောလောဆည် $24,000 ရရှိနေပါပြီ။ ၂၀၁၄ သြဂုတ် လလောက်မှာ စတင်ရောင်းချနိုင်မယ်လို့မျှော်လင့်ရပါတယ်။