ကိုရီးယားတွင် Samsung Galaxy Note ဖုန်းများ ဆယ်သန်း ရောင်းချပြီးဖြစ်ကြောင်း Samsung က ကြေညာပါတယ်။ ကိုရီးယား တွင် Phablet များရေပန်းစားပြီး ဖုန်းအသုံးပြုသူအားလုံး၏ (၄၁) ရာခိုင်နှုန်းသည် ငါးလက်မထက်ကြီးသော Phablet User များဖြစ်ကြောင်း စစ်တမ်းတစ်ရပ်က ဖော်ပြခဲ့ဖူးပါတယ်။ တစ်ကမ္ဘာလုံးအတိုင်းအတာ နဲ့ ယှဉ်လျှင် (၇) ရာခိုင်နှုန်းကသာ Phablet ဖုန်းများအသုံးပြုကြတာဖြစ်ပါတယ်။
Samsung က Galaxy Note ဖုန်းများထုတ်လုပ်ရောင်းချနေသည်မှာ သုံးနှစ်ရှိပြီဖြစ်ပါတယ်။ ပထမဆုံး ထုတ်လုပ်ရောင်းချခဲ့တဲ့ Galaxy Note ဟာ တစ်ကမ္ဘာလုံး မှာ သန်းငါးဆယ် ရောင်းချခဲ့ရပါတယ်။ အဆိုပါ Galaxy Note ကို ၂၀၁၁ ခုနှစ် မှာ ဘာလင်တွင် ပြုလုပ်ခဲ့တဲ့ IFA ပွဲမှာ စတင်မိတ်ဆက်ခဲ့ပြီး Galaxy Note နဲ့အတူ S Pen ကိုလည်း စတင်ပွဲထုတ်ခဲ့တာဖြစ်ပါတယ်။ အရွယ်အစား ကြီးမားတဲ့ Phablet ဈေးကွက်ကို စတင်ခဲ့တဲ့ဖုန်းဆိုရင်လည်း မမှားပါဘူး။
အဲဒီ Note ဖုန်းနောက်မှာတော့ Galaxy Note 2 ကို ထုတ်လုပ်ခဲ့ပြီး ဒီနေ့ခေတ် Phablet လောကမှာ မင်းမူနေတဲ့ Galaxy Note 3 ကိုထုတ်လုပ်ခဲ့ပါတယ်။ ဈေးကွက်ထဲမှာ Phablet ဖုန်းများစွာ ပေါ်ထွက်နေပေမယ့် S Pen နဲ့ Samsung ရဲ့ ကိုယ်ပိုင်ဆော့ဝဲ TouchWiz တို့ ကြောင့် Note 3 ဟာ ပြိုင်စံရှားဖြစ်နေတာဖြစ်ပါတယ်။
Note ဖုန်းတွေရဲ့ တစ်ကမ္ဘာလုံး ရောင်းချရတဲ့နှုန်းတွေကို လေ့လာကြည့်ရင် ပိုမို အထင်ကြီးလေးစားစရာ ကောင်းပါတယ်။ ပထမဆုံးမျိုးဆက်နှစ်ခု ရဲ့ ရောင်းအားဟာ (၃၈) သန်း ကျော်ခဲ့ပါတယ်။ အခုတော့ သန်းငါးဆယ်ကျော်သွားပြီဖြစ်ပါတယ်။
Galaxy Note ဖုန်းများ ကိုရီးယား မှာ ဆယ်သန်း ရောင်းချရတဲ့ အတွက် Samsung က ဇန်နဝါရီလ (၁၇) ရက်နေ့မှ ဖေဖော်ဝါရီလ(၇) ရက်နေ့အတွင်း အထူးပွဲတစ်ခုပြုလုပ်ပေးမှာဖြစ်ပြီး Customers များကို ကံစမ်းမဲများဖောက်ပေးမှာဖြစ်ပါတယ်။