Samsung က ဖေဖော်ဝါရီလမှာ ဘာစီလိုနာမှာကျင်းပမယ့် Mobile World Congress မှာ ပြသဖို့ ရည်ရွယ်ထားတဲ့ Galaxy Tab 3 Lite ရဲ့ သတင်းအချက်အလက်များကြိုတင်ထွက်ပေါ်လာပါတယ်။ Samsung ရဲ့ ပိုလန်၀က်ဆိုက်မှ ထွက်ပေါ်လာတာဖြစ်ပါတယ်။
Samsung က သူ့၀က်ဆိုက်မှာ Galaxy Tab 3 Lite ရဲ့ Manual ကို Download လုပ်ခွင့်ပေးခဲ့တာဖြစ်ပါတယ်။ Manual မှာ Tab 3 Lite or SM-T110 လို့ ရေးသားထားပါတယ်။
Tab 3 Lite မှာ 1.2GHz Dual-Core Marvell PXA986 A9 Processor , 1GB DDR2 RAM, 8GB Storage , SD Card Slot တို့တပ်ဆင်ထားပါတယ်။ ခုနစ်လက်မအရွယ် 1024×600 Resolution Display တပ်ဆင်ထားပြီး တစ်လက်မ ကို Pixel သိပ်သည်းဆ ၁၇၀ ပါရှိပါတယ်။ WiFi , 3G မော်ဒယ် နှစ်မျိုးထုတ်လုပ်ပေးထားပါတယ်။ 3600mAh Battery , 2 Megapixel Camera, Android 4.2 Jelly Bean တို့ပါရှိပါတယ်။ ၉.၇ မီလီမီတာ အထူရှိပြီး ၃၁၀ ဂရမ်အလေးချိန်ရှိပါတယ်။
မျှော်လင့်ထားသလိုပဲ Tab 3 Lite ရဲ့ Specification များဟာ သိပ်ပြီး ကောင်းမွန်မှုမရှိပါဘူး။ ဒါပေမယ့် ဈေးသက်သာမှာဖြစ်ပြီး WiFi Model ကို စတာလင်ပေါင် ၁၀၀ နဲ့ရောင်းချမှာဖြစ်ပါတယ်။ 3G Model ကိုတော့ စတာလင်ပေါင် ၁၆၀ ဖြင့်ရောင်းချမယ်လို့ ကျွမ်းကျင်သူများက သုံးသပ်ပါတယ်။ Samsung Galaxy Tab 3 Lite ကို Mobile World Congress မှာ တရား၀င်ထုတ်ဖော် ပြသမယ်လို့ မျှော်လင့်ရပါတယ်။