ဆင်ဟွာ သတင်းတစ်ရပ်အရ အနာဂတ်တွင် တရုတ်မိသားစုများအနေဖြင့် တစ်အိမ်ထောင်ကလေး နှစ်ယောက် ယူခွင့်ပြုတော့မည်ဖြစ်ကြောင်း သိရပါတယ်။ (၁၈) ကြိမ်မြောက် တရုတ်ကွန်မြူနစ်ပါတီ ဗဟိုကော်မတီ တတိယအကြိမ် မျက်နှာစုံညီအစည်းအဝေးကို ယခုရက်သတ္တပတ်အတွင်းက ကျင်းပပြီးတဲ့နောက် ထိုပြုပြင်ပြောင်းလဲချက် ပေါ်ထွက်လာခြင်း ဖြစ်ပါတယ်။ အခြားသောပြုပြင်ပြောင်းလဲမှုများတွင် စီးပွားရေးနဲ့ ပုဂ္ဂလိကကဏ္ဍမြှင့်တင်ရေးလည်း ပါ၀င်တယ်လို့ သိရပါတယ်။
ပြုပြင်ပြောင်းလဲမှုအများစုဟာ နိုင်ငံအတွင်း စမ်းသပ်ပြီးဖြစ်တယ်လို့လည်း ဆိုပါတယ်။ တစ်အိမ်ထောင် ကလေးတစ်ယောက် မူဝါဒကို ၁၉၇၀ပြည့်လွန်နှစ်များ ကုန်ဆုံးချိန်က စတင်ကျင့်သုံးခဲ့တာဖြစ်ပါတယ်။ လူဦးရေအလျင်အမြန်တိုးပွားမှုကို ထိန်းချုပ်ဖို့ ကျင့်သုံးခဲ့တာဖြစ်ပြီး ၂၀၅၀ ပြည့်နှစ်ရောက်ရင် တရုတ်လူဦးရေရဲ့ လေးပုံတစ်ပုံကျော်ဟာ အသက် (၆၅) နှစ်ကျော် နိုင်ငံသားများဖြစ်လိမ့်မယ်လို့ ဆိုပါတယ်။
တစ်အိမ်ထောင်မှာ ကလေးတစ်ယောက်သာယူရမယ့် ပြဌာန်းချက်ကို ယေဘုယျအားဖြင့် တိကျစွာလိုက်နာကြပေမယ့် ကျေးလက်ဒေသများတွင်မူ ပထမဆုံးမွေးတဲ့ကလေးက မိန်းကလေးဖြစ်ခဲ့ရင် ကလေးနှစ်ယောက်ယူခွင့်ပေးထားတယ်လို့ သိရပါတယ်။အဲဒီဥပဒေကြောင့် အချို့အမျိုးသမီးတွေ ကလေးဖျက်ချရတယ်ဆိုပြီး လူ့အခွင့်အရေးအဖွဲ့များက ဝေဖန်ကြပေမယ့် တရုတ်အစိုးရကတော့ အဲဒီလိုဝေဖန်တာကို ပယ်ချခဲ့ပါတယ်။
ဒါမွလည္းျမန္မာျပည္က မိန္းမေတြလူကုန္ကူးခံရသက္သာမွာ