Nexus 7 Tablet ရဲ့ ပြိုင်ဘက်ဖြစ်တဲ့ Huawei MediaPad X1 ရဲ့ သတင်းအချက်အလက်များဟာ Mobile World Congress မတိုင်ခင်မှာ ထွက်ပေါ်လာပြန်ပါတယ်။ ၇ လက်မအရွယ် Tablet ဖြစ်ပြီး Google ရဲ့ Nexus 7 Tablet ကို ယှဉ်ပြိုင်နိုင်မှာ ဖြစ်ပါတယ်။ တရုတ်ဆက်သွယ်ရေး ကော်မရှင်ရဲ့ ခွင့်ပြုချက် ရရှိပြီးမှ MediaPad X1 ရဲ့ ဓာတ်ပုံများကို တရုတ် Website Weibo ကနေ ထုတ်ဖော်ပြသလိုက်တာ ဖြစ်ပါတယ်။
Huawei MediaPad X1 တွင် 1.6GHz Quad-Core HiSilicon 910 CPU တပ်ဆင်ထားပြီး 2GB RAM နဲ့ Internal Storage16GB ပါရှိပါတယ်။ ၇ လက်မအရွယ် 1920 x 1200 Resolution တပ်ဆင်ထားပြီး တစ်လက်မလျှင် Pixel သိပ်သည်းဆ (323) ပါရှိပါတယ်။ LTE အသုံးပြုနိုင်မှာဖြစ်ပြီး ဖုန်းကဲ့သို့ အသုံးပြုနိုင်မှာ ဖြစ်ပါတယ်။ 6000mAh Battery တပ်ဆင်ထားပါတယ်။ Huawei MediaPad X1 နဲ့အတူ Samsung ရဲ့ S View လို အချိန်နဲ့ Notification များကို အလွယ်တကူ ကြည့်ရှုနိုင်ပြီး Leather နဲ့ ချုပ်ထားသလို ထင်ရအောင် ပြုလုပ်ထားတဲ့ Cover လေး လည်း ပါရှိပါတယ်။ ထွက်ပေါ်နေတဲ့ သတင်းတွေအရ တရုတ်ယွမ်ငွေ (1200 ) သိုမဟုတ် စတာလင်ပေါင် (120) ကျသင့်မှာ ဖြစ်ပါတယ်။ Huawei MediaPad X1 ကို နောက်တစ်ပါတ်မှာ ကျင်းပပြုလုပ်မယ့် Mobile World Congress မှာ တွေ့မြင်ရမယ်လို့ မျှော်လင့်ရပါတယ်။
