မြန်မာနိုင်ငံ အမျိုးသမီးရေးရာ အဖွဲ့ချုပ်က ကြီးမှုးပြုလုပ်သော ဥပဒေရေးရာနှင့် ယဉ်ကျေးမှုဆိုင်ရာ ဟောပြောပွဲကို ဇွန်လ ၂၃ရက်နေ့ နံနက် ၉နာရီက နေပြည်တော်ရှိ မြန်မာနိုင်ငံ အမျိုးသမီးရေးရာ အဖွဲ့ချုပ်ရုံး သီရိရတနာ ခန်းမ၌ ကျင်းပခဲ့ကြောင်း သိရသည်။ ရှေးဦးစွာ လူမှုရေးနှင့် ယဉ်ကျေးမှု လုပ်ငန်းအဖွဲ့ခေါင်းဆောင် ဒေါက်တာ ဒေါ်ခင်ဆွေမြင့်က မြန်မာ အမျိုးသမီးများနှင့် ယဉ်ကျေးမှု မျက်နှာစာ ခေါင်းစဉ်ဖြင့် လည်းကောင်း၊ ဥပဒေရေးရာ လေ့လာရေးနှင့် အကြံပြုရေး လုပ်ငန်းအဖွဲ့ခေါင်းဆောင် ဒေါက်တာ ဒေါ်သန်းနွဲ့က အမျိုးသမီးငယ်များအတွက် အကာအကွယ်ပေးထားသော ဥပဒေ ခေါင်းစဉ်ဖြင့် လည်းကောင်း အမျိုးသမီးများနှင့် သက်ဆိုင်သည့် အသိပညာပေးမှုဆိုင်ရာများကို ကဏ္႑အလိုက် အကျယ်တဝင့် ဟောပြောပို့ချခဲ့ကြပါသည်။
ထို့နောက် မြန်မာနိုင်ငံ အမျိုးသမီးရေးရာ အဖွဲ့ချုပ်မှ နာယကများနှင့် တာဝန်ရှိသူများက ဟောပြောပွဲသို့ တက်ရောက်လာသော နေပြည်တော်ရှိ အခြေခံပညာ အထက်တန်းကျောင်းများမှ ကျောင်းသူများအား အမှတ်တရ လက်ဆောင်များ ပေးအပ်ကြသည်။ အဆိုပါ ဟောပြောပွဲသို့ မြန်မာနိုင်ငံ အမျိုးသမီးရေးရာ အဖွဲ့ချုပ်မှ နာယကများ၊ ဥက္ကဋ္ဌနှင့် ဗဟိုအလုပ်အမှုဆောင်များ၊ အဖွဲ့ဝင်များ နေပြည်တော် ကောင်စီ အမျ်ိုးသမီးရေးရာ အဖွဲ့ဥက္ကဋ္ဌနှင့် အဖွဲ့ဝင်များ၊ နေပြည်တော်ရှိ အခြေခံပညာ အထက်တန်း ကျောင်းလေးကျောင်းမှ ကျောင်းသူ ၂၁၄ဦး၊ အုပ်ချုပ်သူ ဆရာမ ၁၅ဦးတို့ တက်ရောက်ကြကြောင်း သိရပါသည်။
ေကာင္းပါတယ္