LG မှ G2 Pro Phablet နဲ့ ပတ်သက်တဲ့သတင်းအချက်အလက်အနည်းငယ်ကို ထပ်မံထုတ်ဖော်ပြောဆိုလိုက်ပါတယ်။ ပြီးခဲ့တဲ့ တနင်္ဂနွေနေ့က အဆိုပါ Phablet ၏ အမည်နဲ့ ရောင်းချမယ့်နေ့ကို အတည်ပြုခဲ့တာဖြစ်ပြီး အခုတစ်ခါမှာ G2 Pro ရဲ့ ကင်မရာ နဲ့ပတ်သက်ပြီး ထုတ်ဖော်ပြောဆိုခဲ့ပါတယ်။
LG G2 Pro ရဲ့ အနောက်ဘက်တွင် 13MP Camera တပ်ဆင်ထားပြီး Optical Image Stabilization နည်းပညာပါရှိပါတယ်။ 4K (3840 x 2160 pixels) Video ရိုက်ကူးနိုင်ပါတယ်။ မျက်နှာချင်းဆိုင်မှာ 2.1MP ကင်မရာ တပ်ဆင်ထားပါတယ်။ ထို့အပြင် အဆိုပါ Phablet ရဲ့ ကင်မရာဟာ Slow-Motion Video ရိုက်ကူးနိုင်သကဲ့သို့ ဓာတ်ပုံအများအပြားကိုလည်း Burst Mode ဖြင့်တစ်ပြိုင်နက် ရိုက်ကူးနိုင်မှာဖြစ်ပါတယ်။
ထွက်ရှိလာမယ့် အချိန်မှာ LG G2 Pro ဟာ LG G2 ထက် ကင်မရာ စွမ်းဆောင်ရည်ပိုမိုကောင်းမွန်မယ်လို့ LG က အသိပေး ပြောကြားထားပါတယ်။ LG G2 Pro ကို ဒီလကုန်တွင် Barcelona မှာ ကျင်းပပြုလုပ်မယ့် MWC တွင် ထုတ်ဖော်ပြသသွားမှာ ဖြစ်ပါတယ်။ ထွက်ပေါ်ခဲ့သော ဓာတ်ပုံများအရ အဆိုပါ Phablet သည် LG G2 နှင့် ပုံစံချင်း ဆင်တူနေတယ်လို့လည်း သိရပါတယ်။
