Asus က Chromebox ကွန်ပြူတာကို ထုတ်ဖော်ပြသလိုက်ပြီး မတ်လမှာ ဒေါ်လာ(၁၇၉)နဲ့ ရောင်းချမှာဖြစ်ပါတယ်။ Chrome OS ကိုအသုံးပြုထားတဲ့ ကွန်ပြူတာအသေးလေးဖြစ်ပြီး ၄.၈၈၀ လက်မ အကျယ်ရှိပါတယ်။ ၁.၆၅ လက်မ အမြင့်ရှိပြီး ကမ္ဘာ့အသေးဆုံး Chrome Computer ဖြစ်ပါတယ်။
Chromebox မှာ 802.11 b/g/n Wireless အသုံးပြုနိုင်ပါတယ်။ USB 3.0 Port လေးခု ပါရှိပါတယ်။ HDMI နဲ့ Display Port တွေလည်းပါရှိပါတယ်။ SD Card Reader, Intel Haswell Processor, 2GB or 4GB RAM, Intel HD Graphic တို့တပ်ဆင် ထားပါတယ်။
ဈေးနှုန်းသက်သာတဲ့အကြောင်းကတော့ Chrome OS က Processing Power သိပ်မလိုအပ်လို့ဖြစ်ပါတယ်။ Chrome OS က ပေါ့ပါးပြီး Web Applications တွေကို အသုံးပြုဖို့ ပြုလုပ်ပေးထားတာဖြစ်ပါတယ်။
“Asus ရဲ့ Chromebox ဟာ Chrome OS ရဲ့ ရိုးရှင်းမှု၊ လုံခြုံမှု နဲ့ လျှင်မြန်မှုကို အကောင်းဆုံး အသုံးပြုနိုင်မှာဖြစ်ပြီး စွမ်းဆောင်ရည်မြင့်တဲ့ Chrome Device ဖြစ်ပါတယ်။ အိမ်၊ ရုံး၊ ကျောင်းတွေမှာ အလွယ်တကူ သယ်ဆောင်အသုံးပြုနိုင်ပါတယ်။ “ လို့ Google ရဲ့ ထုတ်ကုန်စီမံခန့်ခွဲရေးဌာနမှ ဒါရိုက်တာဖြစ်သူ Felix Lin က ပြောပါတယ်။
ဒေါ်လာ(၁၇၉)နဲ့ ရောင်းချမယ့် Chromebox မှာတော့ ကီးဘုတ်နဲ့မောက်စ် မပါရှိဘဲ သီးခြား၀ယ်ယူအသုံးပြုရမှာ ဖြစ်ပါတယ်။ Intel i3 Version ကို အသုံးပြုထားတဲ့ Chromebox ဟာ 4K Ultra High Definition ရုပ်ထွက်တွေကို ပြသပေးနိုင်ပါတယ်။ Netflix ရဲ့ 4K Video တွေကို ကြည့်ဖို့အတွက် စွမ်းဆောင်ပေးနိုင်ပါတယ်။
