လက်မ 60 ရှိတဲ့ LG UN71 Series HDR စမတ်တီဗီ ဖြစ်ပါတယ်။ ဖန်သားပြင်အမျိုးအစားက 4K UHD ဖြစ်ပြီး 4K စစ်စစ်နဲ့ အလွန်တရာသာတဲ့ High Definition ဖြစ်တယ်လို့ LG က ကြွေးကြော်ထားတဲ့ စမတ်တီဗီပါ။
ရုပ်ရှင်၊ ဘောလုံးပွဲနဲ့ ဂိမ်းအမျိုးမျိုးအတွက် စိတ်တိုင်းကျရုပ်သံအရည်အသွေးထွက်ရှိပါတယ်။ သာမန် Full HD တီဗီတွေထက် ၄ ဆ သာစေရမယ်လို့ LG က ပြောထားပြီးလည်း ဖြစ်တယ်ခင်ဗျ။
စမတ်တီဗီအနေနဲ့ Quad Core ပရိုဆက်ဆာက ပုံရိပ်အဆင့်ကို မြှင့်တင်ပေးပြီး အသံပိုင်းဆိုင်ရာမှာလည်း မလိုလားအပ်တဲ့ဆူညံတွေ အနည်းဆုံးဖြစ်အောင် ထိန်းချုပ်ကန့်သတ်ပေးပါတယ်။ အဲဒါကြောင့် သက်ဝင်လှုပ်ရှားနေတဲ့ ပုံရိပ်ပြတ်သားမှုနဲ့အရောင်အသွေးကို ကြည့်ရှုခံစားနိုင်မှာပါ။
Google Assistant နဲ့ Amazon Alexa တို့ကို built-in ထည့်သွင်းပြီးသားမို့ အခုစမတ်တီဗီ LG ThinQ AI ဟာ တခြားစမတ်တီဗီတွေထက် သုံးရတာ ပိုအဆင်ပြေပါလိမ့်မယ်။
ပရီးမီးယားလိဂ်လို အားကစားပွဲတွေ မကျင်းပမီနဲ့ ကျင်းပပြီးချိန်တွေမှာလည်း သုံးစွဲသူကို သတိပေး၊ အချက်ပေးတဲ့စနစ်လည်း ထည့်သွင်းပေးထားလို့ ဘောလုံးပွဲဝါသနာအိုးတွေ အကြိုက်တွေ့စေမှာပါ။
ဒါ့အပြင် အလွန်တရာသာတဲ့ HDR ဂိမ်းအတွေ့အကြုံကိုလည်း ရရှိစေမှာ ဖြစ်ပါတယ်။
ရောင်းဈေးက K849,000 ဖြစ်ပြီး အာမခံတစ်နှစ်ပေးထားပါတယ်။
