နောက်ဆုံးပေါ် နည်းပညာတွေကြောင့် Smartpen တွေပေါ်လာပြီး Smartphone တွေမှာ စာတွေရေးသားနိုင်လာပြီဖြစ်ပါတယ်။ ဒါပေမယ့် တစ်ချို့သူတွေကတော့ ခဲတံ၊ ဘောပင် တွေကိုအသုံးပြုပြီး စာရွက်ပေါ်မှာပဲ စာရေးရတာကို ပိုနှစ်သက်ကြပါတယ်။ အဲဒီ သူတွေအတွက် စာရွက်ပေါ်မှာရေးသားလိုက်တဲ့စာတွေကို Smartphone ကို ကူးပြောင်းပေးမယ့် Livescribe 3 Smartpen ပေါ်ထွက်လာပါပြီ။
အဲဒီ Smartpen က အသုံးပြုသူ စာရွက်ပေါ်မှာရေးလိုက်တဲ့ သတင်းအချက်အလက် တွေကို မှတ်ထားပေးမှာဖြစ်ပါတယ်။ သတင်းအချက်အလက်တွေစုံလင် ပြီဆိုရင် iOS Device ကို Bluetooth ကနေတစ်ဆင့်ပို့ပေးနိုင်ပါတယ်။
iOS 7 မှာသုံးနိုင်ပြီး Smartpen ရဲ့ App ကို iOS Device မှာထည့်သွင်းထားဖို့လိုပါတယ်။ စာရွက်ပေါ်မှာရေးသားလိုက်တဲ့ သတင်းအချက်အလက်တွေကို iOS Device က App မှာပြပေးမှာပါ။
အားသွင်းဖို့ Micro USB ကြိုးပါရှိမှာဖြစ်ပြီး Livescribe 3 ကို $149.95 နဲ့ ၀ယ်ယူနိုင်ပါတယ်။ Pro Edition လည်းရှိပြီး Leather အိတ်ခွံ၊ တစ်နှစ်စာ Evernote Premium တို့ပါရှိပါတယ်။
