အင်ဒိုနီးရှားနိုင်ငံ လစာငွေရရှိမှုနည်းပါးခြင်းကြောင့် အလုပ်သမားများ စုရုံးဆန္ဒပြမှု ဖြစ်ပွားခဲ့သည်ဟု သိရသည်။ ဆန္ဒပြမှုသည်ပြီးခဲ့သော ကြာသပတေးနေ့က စတင်ခဲ့ပြီး သောကြာနေ့အထိနှစ်ရက်တာ ဆန္ဒပြပွဲပြုလုပ်မည်ဟု သိရသည်။
အလုပ်သမားများသည် ငွေကြေးဖောင်းပွလာမှုနှင့် နေထိုင်စရိတ်မြင့်မားလာခြင်းတို့ကြောင့် အခြေခံလစာငွေများတိုးမြင့်ပေးရန် တောင်းဆိုကြခြင်းဖြစ်သည်။ ဆန္ဒပြမှုတွင် အင်ဒိုနီးရှားနိုင်ငံ တ၀န်းရှိ အလုပ်သမားအဖွဲ့အစည်းများမှ စုစုပေါင်းအလုပ်သမား သုံးသန်းခန့်ပါ၀င်ဆန္ဒပြခဲ့ကြသည်ဟုဆိုသည်။
အင်ဒိုနီးရှားအလုပ်သမားအဖွဲ့(KSPI) မှဥက္ကဌဖြစ်သူ မစ္စတာ Said Iqbal က အင်ဒိုနီးရှားတွင် နေထိုင်စားသောက် မှုကုန်ကျစရိတ်မှာ တဖြည်းဖြည်း မြင့်တက်လာလျက်ရှိသည် ဟု အေအက်ဖ်ပီ သတင်းဌာ နသို့ ပြောကြားခဲ့သည်။ တခြားသတင်းဌာန၏ ဖေါ်ပြချက်များအရ အလုပ်သမားများသည် ငါးရက်တာ ဆန္ဒပြပွဲ ပြုလုပ်ရန် စီစဉ်ခဲ့ကြပြီး လစာငွေ၏ ရာခိုင်နှုန်း ၅၀ ကို တိုးမြှင့်ပေးရန် တောင်းဆိုကြ မည်ဟု သိရသည်။