ထိုင်းဘုရင် သမီးတော် သီရိဒုံရဲ့ ပျော်ပွဲရွှင်ပွဲမှာ သွားရောက်ဖျော်ဖြေမယ့် ချမ်းချမ်း

“ထိုင်းဘုရင့်သမီးတော် သီရိဒုံက အလှူလုပ်တာ။ အဲဒီအလှူက မြန်မာနိုင်ငံသားတွေ အများဆုံးနေထိုင်တဲ့ မဟာချိုင်တို့၊ မြန်မာအလုပ်သမားတွေ များတဲ့ နေရာမှာ ရှိုးပွဲလုပ်မှာဆိုတော့ သူရဲ့ အလှူဒါနမြောက်အောင် မြန်မာပရိသတ်တွေ တောင်းဆိုတဲ့ အဆိုတော်တွေခေါ်ပြီး ပွဲလုပ်ပေးတာ။ ပျော်ပွဲရွှင်ပွဲ အလှူပေါ့”ဟု အဆိုတော် ချမ်းချမ်းက ပြောသည်။

“အခုလတ်တလောမှာတော့ ချမ်းချမ်းက အန်တီမေသော်ရဲ့ “ညှို့ယူဖမ်းစား နှလုံးသားသံစဉ်များ” ပြိုင်ပွဲမှာ ဒိုင်လုပ်ပေးမယ်။ မဂ္ဂဇင်းတွေအတွက် ကာဗာရိုက်ပေးဖို့ရှိတယ်။ အဲဒါတွေပြီးမှ ထိုင်းနိုင်ငံ ဘန်ကောက်မှာ ဘုရင့်သမီးပွဲ သွားမယ်။ ပြီးရင် တတိယအခွေ ဆက်ရိုက်မယ်။ အိမ်ထောင်ကျပြီးမှ ပြောင်းလဲတယ်ဆိုတာ ဘယ်လိုခေါ်မလဲ။ လူဆိုတာ Change ကတော့ ရှိနေမှာပဲ။ အစ်မ Lifeမှာ တစ်ဆစ်ချိုး ဖြစ်သွားပြီလေ”ဟု ချမ်းချမ်းက ဆက်၍ဆိုသည်။