မြန်မာနိုင်ငံ ခရီးသွားလုပ်ငန်းရှင်များအသင်း (UMTA)မှ ကြီးမှုး၍ ၂၀၁၃ခုနှစ်၊ သြဂုတ်လ ၃ရက် (စနေနေ့)တွင် ယုဇနဟိုတယ်၌ Outbound Tourism Development Workshop (ပြည်ပခရီးသွား လုပ်ငန်းဖွံ့ဖြိုးတိုးတက်ရေး အလုပ်ရုံ ဆွေးနွေးပွဲ) ကျင်းပပြုလုပ်မည်ဖြစ်ကြောင်း သိရသည်။
အဆိုပါ အလုပ်ရုံ ဆွေးနွေးပွဲသို့ စိတ်ပါဝင်စားသည့် (UMTA) အသင်းဝင် ခရီးသွားကုမ္ပဏီများ၊ Mediaများ အနေဖြင့် ၃၀-၇-၂၀၁၃ (အင်္ဂါနေ့) နောက်ဆုံးထားပြီး မြန်မာနိုင်ငံခရီးသွားလုပ်ငန်းရှင်များအသင်းသို့ ဆက်သွယ်၍ အမည်စာရင်း ပေးပို့နိုင်ပြီး တက်ရောက်မည့် လူဦးရေပေါ် မူတည်၍ လိုအပ်သည်များ စီစဉ်ရမည် ဖြစ်ပါသောကြောင့် ကြိုတင် ဆက်သွယ် စာရင်းပေးသွင်းကြရန်နှင့် အသင်းဝင် ကုမ္ပဏီတစ်ခုလျှင် (၁)ဦးသာ တက်ရောက်ပေးပါရန် ဖြစ်ကြောင်း မေတ္တာရပ်ခံထားပါသည်။