Microsoft က LTE အသုံးပြုနိင်သည့် Surface 2 Tablet ကို ရောင်းချပေးလိုက်ပါတယ်။ 64GB အမျိုးအစားဖြစ်ပြီး ဒေါ်လာ (၆၇၉) ဈေးနှုန်း သတ်မှတ်ထားပါတယ်။ Microsoft Store , Best Buy တို့မှ ရောင်းချပေးမှာဖြစ်ပါတယ်။ Microsoft က AT&T နဲ့ Vodafone တို့ ၏ လိုင်းများ ထည့်သွင်းထားတဲ့ Surface 2 ကို ရောင်းချပေးမယ်လို့ အရင်က ပြောကြားဖူးပေမယ့် AT&T အသုံးပြုနိုင်တဲ့ အမျိုးအစား ကို သာ အမေရိကန်မှာ ရောင်းချပေးလိုက်တာဖြစ်ပါတယ်။
LTE ကို Support ပေးသည့်အပြင် Hardware ပြောင်းလဲမှု အနည်းငယ် ရှိပါသည်။ Microsoft က SIM Slot ကို ဘယ်ဘက်တွင် ပြောင်းလဲတပ်ဆင်ထားပါတယ်။ Volume ခလုတ် ရဲ့ အောက်ဘက်မှာ ဖြစ်ပါတယ်။ တက်ဘလက် မှာ Windows RT 8.1 မောင်းနှင်လည်ပတ်မှာဖြစ်ပါတယ်။ တက်ဘလက် ကနေ WiFi ပြန်လွှင့်ပေးနိုင်ပါတယ်။ အရင် ရောင်းချခဲ့တဲ့ သာမာန် Surface 2 မှာလိုပဲ LTE အမျိုးအစားမှာ OneDrive Storage တွင် 200GB နှစ်နှစ် ရရှိမှာဖြစ်ပါတယ်။ ကြိုးလိုင်းတွေကို ဖုန်းခေါ်ဆိုနိုင်တဲ့ Skype ၀န်ဆောင်မှု ကို တစ်နှစ် အသုံးပြုနိုင်မှာဖြစ်ပါတယ်။
အခြား Hardware များနဲ့ပတ်သက်ပြီး Microsoft က ကြေညာခြင်းမရှိသေးပါဘူး။ အခုလောလောဆယ် မှာ LTE အသုံးပြုနိုင်တဲ့ Surface 2 ကို ၀ယ်ချင်ရင် 64GB အမျိုးအစားသာ ရရှိပါသေးတယ်။ အခြားရွေးချယ်နိုင်တဲ့ Storage Option တွေ မရှိသေးပါဘူး။ Microsoft က ၇ လက်မ ဒါမှမဟုတ် ၈ လက်မအရွယ် Surface Mini ကို ပြင်ဆင်နေတယ်လို့ လည်း သတင်းတွေထွက်ပေါ်နေပါတယ်။
