ရုပ်ရှင်ရုံများကို တားမြစ်ပိတ်ပင်ထားသည့် ဆော်ဒီအာရေဗျနိုင်ငံက လာမည့်နှစ် အော်စကာ ဆုပေးပွဲတွင် Wadjda ဇာတ်ကားဖြင့် ပထမဆုံးအကြိမ် ၀င်ရောက်ယှဉ်ပြိုင်မည်ဖြစ်ကြောင်း တာ၀န်ရှိသူ တစ်ဦးက စက်တင်ဘာ ၁၅ရက်တွင် ပြောကြားခဲ့သည်ဟု သိရသည်။
အမျိုးသမီးများ၏ အခွင့်အရေးများစွာကို ပိတ်ပင်ထားသည့် ကွန်ဆာဗေးတစ် မွတ်စလင်နိုင်ငံတွင် စက်ဘီးတစ်စီး ပိုင်ဆိုင်လိုသည့် အမျိုးသမီး တစ်ဦး၏ အကြောင်းကို Wadjda ဇာတ်ကားတွင် ရိုက်ကူးပြသထားသည်။
“Wadjda ဇာတ်ကားကို အော်စကာဆုပေးပွဲရဲ့ နိုင်ငံခြား ဘာသာစကားပြော ဇာတ်ကားဆုအတွက် ဆော်ဒီအာရေဗျနိုင်ငံ ကိုယ်စားပြုအဖြစ် ပထမဆုံးအကြိမ် ၀င်ရောက် ယှဉ်ပြိုင်ရမှာပါ”ဟု ဆော်ဒီအာရေဗျ ယဉ်ကျေးမှုနှင့် အနုပညာအဖွဲ့၏ ဥက္ကဌဆူလ်တန်အယ်ဘာဇိုင်းက ဆိုသည်။
Wadjda ဇာတ်ကားကို ဆော်ဒီအာရေဗျ၏ ပထမဆုံး အမျိုးသမီး ဒါရိုက်တာ ဟိုင်ဖာအယ်မန်ဆောက ရိုက်ကူးခဲ့ပြီး ဂျာမနီနိုင်ငံမှ Razo ရုပ်ရှင်လုပ်ငန်းနှင့် ဆော်ဒီတော်၀င် မိသားစု၀င်တစ်ဦးနှင့် ရင်းနှီးမှုရှိသည့် Rontana စတူဒီယိုက ပူးတွဲထုတ်လုပ်ခဲ့ခြင်း ဖြစ်သည်။ ယင်းဇာတ်ကားသည် ၂၀၁၂ခုနှစ် ဒူဘိုင်းရုပ်ရှင်ပွဲတော်တွင် အကောင်းဆုံး အာရပ်ဘာသာစကားပြောဆုနှင့် ၂၀၁၂ခုနှစ် ကိန်းစ်ရုပ်ရှင်ပွဲတော်တွင် Cinem Avvenireဆု ရရှိခဲ့သည်။
အဆိုပါ ဇာတ်ကားကို ပြင်သစ်နိုင်ငံတွင် ရုပ်ရှင်အဖြစ် ထုတ်လွှင့်ပြသခဲ့ပြီ ဆော်ဒီအာရေဗျနိုင်ငံတွင်မူ ဒီဗွီဒီနှင့် ရုပ်သံဇာတ်လမ်းအဖြစ်သာ ထုတ်လွှင့်ခဲ့သည်ဟု သိရသည်။
ေခြးကလားေတြဘာသြားလုပ္မွာလဲ
ေခြးဇတ္ခင္းဖို႕ေနမွာေပါ့