Samsung က စွမ်းဆောင်ရည်မြင့် Phablet ဖြစ်တဲ့ Note 3 ကို ထုတ်လုပ်ရောင်းချပေးနေပေမယ့် ဈေးနှုန်းကြီးမြင့်မှုကြောင့် လူအများ အသုံးပြုနိုင်ခြင်းမရှိပါဘူး။ Note 3 ကို ဈေးသက်သာအောင်ပြုလုပ်ပေးထားတဲ့ Note 3 Neo ဖုန်းရဲ့ ဓာတ်ပုံတွေနဲ့ သတင်းအချက်အလက်တွေ ထွက်ပေါ်လာပါတယ်။
Neo မှာ 5.55 လက်မ 720p Super AMOLED Display တပ်ဆင်ထားပါတယ်။ 8MP Camera, 3100mAh Battery , RAM 2GB, 16GB Storage ပါရှိပါတယ်။ စိတ်၀င်စားစရာကောင်းတာက 1.7GHz dual + 1.3GHz quad-core (Hexa) processor ကို အသုံးပြုထားတာဖြစ်လို့ Core ခြောက်လုံးသုံးထားပါတယ်။ Note 2 ရဲ့ 1.6GHz Quad-Core Exynos ထက်တော့ပိုမိုကောင်းမွန် ပါတယ်။ အခုလက်ရှိမှာ စွမ်းဆောင်ရည်မြင့်ဖုန်းတွေမှာ အသုံးပြုနေကြတဲ့ Snapdragon 600 နဲ့ 800 ဖုန်းတွေနဲ့ ယှဉ်ရင်တော့ ဘယ်သူက စွမ်းဆောင်ရည်ပိုကောင်းလဲဆိုတာ မသိရသေးပါဘူး။
Cores တွေအများကြီးကို တစ်ပြိုင်နက် အလုပ်လုပ်စေနိုင်တဲ့ Samsung ရဲ့ HMP နည်းပညာကို အသုံးပြုထားနိုင်တယ်လို့ ကျွမ်းကျင်သူတွေက သုံးသပ်ပါတယ်။ Note 3 လိုပဲ အနောက်ဘက် မျက်နှာပြင်ကို Leatherနဲ့ချုပ်လုပ်ထားသလို ထင်ရအောင်ပြုလုပ်ထားပါတယ်။ ချုပ်ရာတွေကို တွေ့မြင်ရပေမယ့် အတုတွေဖြစ်ပြီး ပလတ်စတစ်နဲ့ ဖုံးအုပ်ထားတာဖြစ်ပါတယ်။ Note 3 နဲ့ S4 ရဲ့ Smart Features တွေဖြစ်တဲ့ Air Command , Advanced Multi Window တွေပါရှိပါတယ်။
ထွက်ပေါ်လာတဲ့ ဓာတ်ပုံတွေအရ Neo ဟာ Note 3 နဲ့ အတော်လေး ဆင်တူပါတယ်။ ကင်မရာကိုတော့အနည်းငယ် ပြောင်းရွှေ့တင်ဆင်ထားပါတယ်။ USB 3.0 Port မပါတော့ဘဲ USB 2.0 နဲ့ အစားထိုးထားပါတယ်။ စွမ်းဆောင်ရည်ကို စမ်းသပ်ထားတဲ့ Benchmark ရလဒ်တွေလည်း ထွက်ပေါ်လာပြီး စိတ်၀င်စားစရာကောင်းပါတယ်။ Core ခြောက်လုံးအသုံးပြုထားပြီး 1.7GHz နှုန်းလည်ပတ်နိုင်တဲ့ စွမ်းဆောင်ရည်မြင့် Cortex-A15 အမျိုးအစား နှစ်လုံးသုံးထားပါတယ်။ 1.3GHz နှုန်းလည်ပတ်နိုင်တဲ့ Core လေးလုံး တပ်ဆင်ထားပြီး Cortex A7 အမျိုးအစားဖြစ်ပါတယ်။
Samsung Galaxy Note 3 Neo ကို ဖေဖော်ဝါရီ မှာ ဘာစီလိုနာ တွင်ပြုလုပ်မယ့် Mobile World Congress မှာ ပြသမယ်လို့ မျှော်လင့်ရပါတယ်။
