Metal Style စာလုံးလေးတွေကို ဖန်တီးကြည့်ကြမယ်။ တစ်ခါတလေ ကိုယ့်နာမည်လေးတွေ လှလှလေး လုပ်ကြည့်ချင်လာပြီဆိုရင် စမ်းသပ်နိုင်ပါတယ်။ သိပ်ပြီးတော့ အခက်ကြီး မဟုတ်ပါဘူး။ ကဲ စလိုက်ကြရအောင်နော်။
၁။ ပထမဆုံး အရင် New Document တစ်ခုကို အရင်ဖွင့်လိုက်ပါ။
၂။ ပြီးရင် စာသားရိုက်ဖို့အတွက် အရောင်အနေနဲ့ RGB (172, 172, 172)ကို သုံးပြီး နေရာချထားလိုက်ပါ။ အခုပုံမှာ ပြထားတဲ့အတိုင်း fontက Arial Blackအရွယ်က သင်ကြိုက်နှစ်သက်ရာ font ဆိုက်ကို အသုံးပြုနိုင်ပါတယ်။
Via Ma Naw Phyu Lay
၃။ အဲဒီစာသားနေရာကို Layer Styleအဖြစ် Bevel and Embossဖွင့်ပြီး Option တွေကိုတော့ ပုံမှာပြထားတဲ့အတိုင်း ရွေးချယ်ရပါမယ်။
Via Ma Naw Phyu Lay
Via Ma Naw Phyu lay
၄။ နောက် ထပ်မံပြုလုပ်ရမည်က Curves adjustmentပါ။ အဲဒီလိုရအောင် Layer Paletteရဲ့ အောက်ခြေမှာရှိတဲ့ စတုတ္ထမြောက် Button (Create new fill or adjustment layer)ကို Clickလိုက်ပါ။ Popup Menu တစ်ခုပေါ်လာလိမ့်မယ်။ အဲဒီ Menuကမှ Curves… ဆိုတဲ့ Submenu ကို ရွေးပါ။
Via Ma Naw Phyu lay
Curves dialog ပေါ်လာပါမယ်။ အဲဒီမှာ အလယ်ကို ကန့်လန့်ဖြတ်မျဉ်းလေးကို တွေ့မှာပါ။ ပုံမှာ မြင်ရတဲ့အတိုင်း ပြုလုပ်ပါ။
Via Ma Naw Phyu lay
အဲဒီမျဉ်းလေးကို Muouseနဲ့ Click and Dragလုပ်ပြီး မျဉ်းကွေးလေးတစ်ခုကို ပုံမှာပါတဲ့အတိုင်း ပြုလုပ်ကြည့်ပါ။ ပုံမှာ အပေါ်ကို ရွေ့ရမယ့်အမှတ်နဲ့ အောက်ကိုရွေ့ရမယ့် အမှတ်နှစ်ခုကို သတိပြုမိမယ် ထင်ပါတယ်။ မှားရင်တော့ Resultက ဒီမှာပြထားတဲ့ပုံအတိုင်း ရမှာ မဟုတ်ပါဘူး။ အပေါ်အောက် အနေအထားကိုလည်း ပုံမှာပြထားတဲ့ ပမာဏလောက်ပဲ ထားကြည့်လိုက်ပါ။
Via Ma Naw Phyu lay
၅။ အခုဆိုရင် Text Layerက တကယ့် သတ္တုတုံးလေးလို မြင်နေရပါပြီ။ ဒါပေမယ့် သတိထားကြည့်ရင် အဲဒီ Text ရဲ့ ဘေးမှာ အဆက်လေးတွေ ပတ်ပတ်လည် ဖြစ်နေတာ တွေ့ရမှာပါ။
Via Ma Naw Phyu lay
အဲဒီ အဆက်လေးတွေကို ပျောက်အောင်ကတော့ Text Layerနဲ့ Curvesလုပ်ထားတဲ့ Layerနှစ်ခုကို Linkချိတ်ပေးပြီး Merge (Ctrl+E) လုပ်လိုက်ရုံပါပဲ။ တစ်ခုသတိထားရမှာက Merge လုပ်ပြီးသွားရင် Text Layerဟာ Raster Layer ဖြစ်သွားပါပြီ။ Text Editအနေနဲ့ ပြန်ပြင်လို့ မရတော့ပါဘူး။
Via Ma Naw Phyu lay
အဆင့် (၄) မှာ ပြုလုပ်ခဲ့တဲ့ (Create new fill or adjustment layer) အကြောင်း ပြောဖို့ ကျန်ခဲ့ပါတယ်။ အဲဒီ Adjustment Layerတွေဟာ အဖြည့်ခံသုံးတာပါ။ သူတို့ကို အသုံးပြုခြင်းအားဖြင့် သူတို့အောက်မှာရှိတဲ့ Layerတွေအားလုံးကို တစ်ခါထဲ ပြုပြင်ပြီးသား ဖြစ်သွားမှာ ဖြစ်ပါတယ်။ ဥပမာ Layer သုံးခုရှိတယ် ဆိုပါတော့။ အဲဒီ Layer သုံးခုစလုံးကို အပြာရောင်နည်းနည်းလေး တိုးလိုက်ရင် Image>Adjustment>Color Balance Menu ကိုသုံးပြီး Layer သုံးခုစလုံးကို အရောင်တိုးပေးရမှာပါ။ Layer သုံးခုဆိုတော့ သုံးခါထပ်လုပ်ရမှာပါ။ ဒါပေမယ့် adjustment layerရဲ့ Color Balanceနဲ့ ဆိုရင်တော့ သူ့အောက်မှာရှိတဲ့ Layer တွေအားလုံးကို တစ်ကြိမ်ထဲနဲ့ မိမိစိတ်ကြိုက် ပြင်ပြီးသား ဖြစ်သွားပါတယ်။ အဲဒီ Adjustment Layerကတော့ ပြင်လိုတဲ့ Layerသုံးခုစလုံးရဲ့ အပေါ်မှာ ရှိရမှာတော့ သတိပြုရပါမယ်။ ကဲ အလွယ်တကူ အပျင်းပြေ ဖန်တီးကြည့်လိုက်ပါဦး။
