Galaxy Gear 2 ဟာ Galaxy Gear ထက် ပိုမိုကောင်းမွန်တဲ့ပြောင်းလဲမှုတွေပါရှိပြီး ချပ်၀တ်တန်ဆာ ကွန်ပြူတာဈေးကွက်မှာ ထပ်မံယှဉ်ပြိုင်အုံးမှာဖြစ်ပါတယ်လို့ ZDNet Korea မှာ ဖော်ပြထားပါတယ်။
Galaxy Gear 2 မှာ မျက်နှာပြင်ခုံးကို တပ်ဆင်ထားမယ်လို့ သိရပါတယ်။ Galaxy Round စမတ်ဖုန်းမှာ တပ်ဆင်ထားတဲ့ မျက်နှာပြင်ခုံးလိုဖြစ်ပါတယ်။ Galaxy Round ရဲ့ ကွေးကောက်တဲ့ ပုံသဏ္ဍာန်အတိုင်းပဲ Gear 2 မှာ ပြုလုပ်ထားမှာဖြစ်ပါတယ်။ Gear ရဲ့ ပထမမျိုးဆက်ဟာ လက်ကောက်၀တ်မှာ ၀တ်ဆင်ဖို့အတွက် ဒီဇိုင်းပိုင်းမှာ အဆင်ပြေမှုမရှိတာကို Gear 2 မှာ ပြုပြင် ထားမှာဖြစ်ပါတယ်။
Galaxy Gear 2 ကို Galaxy S5 နဲ့ အတူ မတ်လ သို့မဟုတ် ဧပြီလမှာ စတင်ရောင်းချမယ်လို့ Samsung က အတည်ပြုပြောကြား ထားပါတယ်။ ဒါပေမယ့် အသေးစိတ်အချက်အလက်တွေကို Samsung က ပြောကြားခြင်းမရှိပါဘူး။ စာနယ်ဇင်းမိတ်ဆက်ပွဲကို လန်ဒန်မှာ ပြုလုပ်မယ်လို့ ZDNet က ပြောကြားထားပါသေးတယ်။
Galaxy S5 နဲ့ အတူ ပိုမိုကောင်းမွန်တဲ့ စွမ်းဆောင်ချက်တွေပါတဲ့ Gear 2 ကို ပါထုတ်ဖော်ပြသမှာဖြစ်ပြီး Gear ရဲ့ ဒီဇိုင်းဟာလည်း ပိုမိုကောင်းမွန်လာမှာဖြစ်ပါတယ်လို့ Samsung Mobile ဌာနရဲ့ ဒုတိယဥက္ကဌဖြစ်သူ Lee Young Hee က ပြောပါတယ်။
