အွန်လိုင်း အခမဲ့ Learning and Teaching သင်တန်းဖွင့်လှစ်မည်။
University of Southampton နှင့် ဗြိတိသျှကောင်စီတို့မှ ပူးပေါင်းဖွင့်လှစ်သင်ကြားပေးမည့် Understaning Language : Learning and Teaching အခမဲ့အွန်လိုင်းသင်တန်း ဘာသာရပ်အား နိုဝင်ဘာလ ၁၇ ရက် နေ့တွင် သင်ကြားပို့ချဖွင့်လှစ်မည် ဖြစ်ကြောင်း သိရှိရသည်။ အဆိုပါသင်တန်းသည် ဘာသာစကား ဖွံ့ဖြိုးရေးနှင့် ဘာသာစကားသင်ကြားရေးကို စိတ်ဝင်စားသော (အင်္ဂလိပ်ဘာသာ အဆင့် C1 Level on CEFR (သို့မဟုတ်) IELTS ရမှတ် Band 7 ရနိုင်သူ) အင်္ဂလိပ်စာဆရာ၊ ဆရာမများနှင့် ဘွဲ့ရပြီး ကျောင်းသား၊ ကျောင်းသူများအတွက် ရည်ရွယ်ဖွင့်လှစ်ပေးကြောင်း သိရှိရသည်။ မည်သူမဆို အခမဲ့တက်ရောက်နိုင်မည် ဖြစ်ပါသည်။ သင်တန်းတွင် ဘာသာစကားကို ထိရောက်စွာ သင်ကြားလေ့လာနိုင်ရန်အတွက် အဓိကကျသော အယူအဆအချို့ကို မိတ်ဆက်ခြင်း အကြောင်းအရာများ သင်ကြားပေးမည်ဖြစ်သည်။သင်တန်းတက်ရာတွင် တစ်ပတ်ကို အချိန် ၂ နာရီ သင်ယူနိုင်သည်။ ထို့နောက် PC နှင့် Laptap များဖြင့်သာမက ကိုယ်အသုံးပြု နေသော တက်ပလက်များနှင့် မိုဘိုင်းဖုန်းများတွင်လည်း လွယ်ကူစွာ အသုံးပြုနိုင်ပြီး ဗီဒီယိုကြည့်ရှုရန် အင်တာနက် နှေးကွေးပါကလည်း ဗီဒီယိုပါအကြောင်းအရာအားလုံးကို PDF ဖိုင်များဖြင့် Download ရယူသိမ်းဆည်း ဖတ်ရှုနိုင်မည် ဖြစ်ပေသည်။
အကယ်၍ သင်ယူချင်သူများအတွက် https://www.futurelearn.com/courses/understanding-language တွင် ဝင်ရောက် စာရင်းသွင်း ခြင်းဖြင့် လွယ်ကူစွာသင်ယူနိုင်မည် ဖြစ်ပါသည်။ အောင်လက်မှတ် လိုချင်သူများအတွက် အွန်လိုင်းပရီပိတ်ကတ် ရှိသူများသာ ထုတ်ယူခွင့် ရရှိမည်ဖြစ်ကြောင်း သတင်းကောင်းပေးလိုက်ပါသည်။
