မိမိရဲ့ Facebook အကောင့်ကို NSA (အမေရိကန်အမျိုးသားလုံခြုံရေးအဖွဲ့)ကဲ့သို့ အစိုးရအဖွဲ့အစည်းများမှ စောင့်ကြည့်နေပါက Facebook မှ ယင်းစောင့်ကြည့်ခံရသူအား အသိပေး အကြောင်းကြားသွားမယ်လို့ ကြေညာချက်ထုတ်ပြန်ခဲ့ပါတယ်။
အကြောင်းကြားခံရပါက ယခုလိုတွေ့ရမည်
“သင့်အကောင့်ကို အစိုးရကနေ တိတ်တဆိတ်စောင့်ကြည့်နေမယ်၊ အစိုးရကထောက်ပံ့ထားတဲ့ အဖွဲ့က စောင့်ကြည့်နေမယ်ဆို ကျွန်တော်တို့ အဲဒီအသုံးပြုသူကို အကြောင်းကြားသွားမှာပါ”လို့ Facebook ရဲ့ လုံခြုံရေးအကြီးအကဲ Alex Stamos က Facebook Blog ကတဆင့် ပြောကြားခဲ့ပါတယ်။
ထို့နောက် ယင်းကဲ့သို့ အကြောင်းကြားခြင်းက စောင့်ကြည့်ခံနေရသည်ဟူသည့် အကြောင်းအရင်းခိုင်လုံမှသာ အသိပေးမှာဖြစ်ကြောင်း Stamos ကဆိုပါတယ်။
အသုံးပြုသူအနေနဲ့ ယင်းကဲ့သို့ အကြောင်းကြားခံရပါက မိမိရဲ့ ကွန်ပျူတာ OS ကို ပြောင်းလဲခြင်းဖြစ်စေ၊ အသစ်ပြန်လည် ထည့်သွင်းခြင်းဖြစ်စေ ပြုလုပ်သင့်တယ်လို့ Facebook က သတင်းထုတ်ပြန်ထားပါတယ်။
