ယနေ့ စက်တင်ဘာ ၁၂ရက်နေ့ ညနေ ၆နာရီခွဲတွင် ရန်ကုန်မြို့ ဆူးလေဘုရားလမ်းရှိ နေပြည်တော် အဆင့်မြင့် ရုပ်ရှင်ရုံတွင် ဥရောပရုပ်ရှင်ပွဲတော် ဖွင့်ပွဲအခမ်းအနား ကျင်းပမည် ဖြစ်ကြောင်း သတင်းရရှိပါတယ်။ ၀င်ခွင့် အခမဲ့ဖြစ်ပြီး စက်တင်ဘာ ၁၂ရက်နေ့မှ ၂၂ရက်နေ့အထိ ပြုလုပ်သွားမှာ ဖြစ်ကာ နေ့စဉ်ညနေ ၃နာရီခွဲမှ ၆နာရီခွဲထိ ဥရောပရုပ်ရှင်များကို အင်္ဂလိပ်ဘာသာ စာတန်းထိုး၍ ပြသသွားမှာ ဖြစ်ပါတယ်။ ပြင်သစ်၊ ဂျာမနီ၊ အင်္ဂလန်၊ ပိုလန်၊ ဆွစ်ဇာလန်၊ ချက်၊ အစ္စရေးစသည့် ဥရောပနိုင်ငံများမှ ရုပ်ရှင်ကားကောင်းများကို တစ်ရက်လျှင် နှစ်ကားနှုန်းဖြင့် ညနေ၃နာရီခွဲ တစ်ပွဲ၊ ည၆နာရီခွဲ တစ်ပွဲ ပြသသွားမှာ ဖြစ်ကြောင်း သိရှိရပါတယ်။
