ZTE က ပြီးခဲ့တဲ့ ၂၀၁၃ ခုနှစ်တွင် ပြုလုပ်ခဲ့တဲ့ Mobile World Congress တွင် Mozilla Firefox OS ကိုအသုံးပြုထားတဲ့ ZTE Open စမတ်ဖုန်းကို ကြေညာခဲ့ပါတယ်။ ဒီနှစ်မှာတော့ Firefox OS ကို အသုံးပြုထားတဲ့ Open C နဲ့ Open II စမတ်ဖုန်း အသစ်(၂)လုံးကို ထပ်မံကြေညာခဲ့ပါတယ်။
Open C တွင် ၄.၀ လက်မ အရွယ် WVGA (800×480) Display တပ်ဆင်ထားပါတယ်။ Dual-ore 1.2GHz MSM8210 Qualcomm Snapdragon 200 Processor တပ်ဆင်ထားပြီး 512MB RAM, 4GB Internal Memory ပါရှိပါတယ်။ 3 Mega-pixel Camera တပ်ဆင်ထားပြီး 3G ဆက်သွယ်မှု အသုံးပြုနိုင်ပါတယ်။ Battery ကတော့ 1400mAh ဖြစ်ပါတယ်။ Open C ကို ဗင်နီဇွဲလားနိုင်ငံ Telefónica မြို့ နဲ့ ဥရုဂွေးနိုင်ငံတို့တွင် ၂၀၁၄ ခုနှစ် ဧပြီလနှင့် ဇွန်လများအတွင်းမှာ ရောင်းချပေးမှာ ဖြစ်ပါတယ်။
Open II တွင် ၃.၅ လက်မအရွယ် HVGA(480×320) Display နဲ့ Dual-Core 1.2GHz MSM8210 Qualcomm Snapdragon 200 Processor တပ်ဆင်ထားပါတယ်။ 256MB RAM နဲ့ Internal Memory 2GB ပါရှိပါတယ်။ 2 Megapixel Camera, 3G ဆက်သွယ်မှု အသုံးပြုနိုင်ပြီး 1150mAh Battery တပ်ဆင်ထားပါတယ်။
ZTE က ဒီနှစ်ထဲမှာ စမတ်ဖုန်း အလုံးရေ (၁) သန်းခန့် ရောင်းချနိုင်ဖို့ စီစဉ်ထားပါတယ်။ ၄.၅ လက်မ အရွယ် Firefox စမတ်ဖုန်းကိုလည်း ၂၀၁၅ ခုနှစ်မှာ ရောင်းချမယ်လို့ သိရပါတယ်။
