Business, News

ရန်ကုန်အပြည်ပြည်ဆိုင်ရာ လေဆိပ်ကို Business Airport အဖြစ်ဆောင်ရွက်သွားမည်

Business-Airport

ရန်ကုန် အပြည်ပြည်ဆိုင်ရာ လေဆိပ်ကို ဖံွ့ဖြိုးရေး လုပ်ငန်းများ ဆောင်ရွက်နိုင်ရေးအတွက် Business Airport အဖြစ်ဆောင်ရွက်သွားရန် နိုင်ငံတကာ စံချိန်စံညွှန်းအရ အဖွဲ့နှင့် စိစစ်ခဲ့ပြီး၊ လုပ်ငန်းရှင်များအား တင်ဒါ ခေါ်ယူဆောင်ရွက်ခြင်း လုပ်ငန်းများကို ဆောင်ရွက်လျက်ရှိကြောင်း မြန်မာ့လေကြောင်း ပို့ဆောင်ရေး ညွှန်ကြားမှု ဦးစီးဌာနမှ သတင်းထုတ်ပြန်ချက်အရ သိရသည်။ ထိုသို့ ပြုလုပ်ရာတွင် ပြည်တွင်း၊ ပြည်ပမှ လုပ်ငန်းရှင်များကို ဖိတ်ခေါ် ရှင်းလင်းခြင်း၊ ရွေးချယ်ရေးအဖွဲ့ ဖွဲ့စည်းခြင်း၊ လေဆိပ် ဖံွ့ဖြိုးရေး စီမံကိန်းအတွက် အကြို အရည်အချင်း ဆန်းစစ်ရန် ကုမ္ပဏီများ ခေါ်ယူခြင်းနှင့် အကြိုအရည်အချင်း အောင်မြင်သော အဖွဲ့အစည်းအမည် ကြေညာခြင်း အစရှိသော လုပ်ငန်းများကို ဆောင်ရွက်သည့်အပြင် ရန်ကုန်အပြည်ပြည်ဆိုင်ရာ လေဆိပ်ဖွံ့ဖြိုးရေး လုပ်ငန်းအတွက် ၂၀၁၃ခုနှစ်၊ မတ်လ (၁၄)ရက်နေ့တွင် လေကြောင်းပို့ဆောင်ရေး ညွှန်ကြားမှု ဦးစီးဌာနနှင့် တင်ဒါရှင်များ Pre-Bid Conference ပြုလုပ်ခြင်းများ ဆောင်ရွက်ခဲ့ပါသည်။ရန်ကုန် အပြည်ပြည်ဆိုင်ရာ လေဆိပ်ဖံွ့ဖြိုးရေး လုပ်ငန်းများအတွက် တင်ဒါ တင်သွင်းမည့် နောက်ဆုံးရက်ကို ၂၀၁၃ခုနှစ်၊ ဧပြီလ (၃၀)ရက်နေ့အထိ သတ်မှတ်ထားပြီး၊ အဆိုပြုလွှာများ အကဲဖြတ်မှုကို ၆လပိုင်း၊ (၅)ရက်နေ့အထိ သတ်မှတ်ကာ ရွေးချယ်ခံသော တင်ဒါရှင်နှင့် လုပ်ငန်းညှိနှိုင်း ဆွေးနွေးမှုကို စတင် ဆောင်ရွက်သွားမည်ဟု အဆိုပါ ဌာနမှ တာဝန်ရှိသူတစ်ဦး၏ ပြောကြားချက်အရ သိရသည်။

author-avatar

About TZO

အမည်ရင်း ဦးသန်းဌေး ဖြစ်ပြီး Myanmar ICT Newsတွင် စီနီယာ အယ်ဒီတာအဖြစ် ဆောင်ရွက်နေသူ ဖြစ်သည်။ ၁၉၇၂ခုနှစ်တွင် မြန်မာစာ အဓိကဖြင့် ပုသိမ် ဒီကရီကောလိပ်မှ ဘွဲ့ရရှိခဲ့ပြီး ၁၉၈၀ခုနှစ်တွင် အထက်တန်း ရှေ့နေ စာမေးပွဲကို အောင်မြင်ခဲ့သူလည်း ဖြစ်သည်။ ၁၉၇၃ခုနှစ်မှ ၂၀၁၁ခုနှစ်အတွင်း နိုင်ငံတော် ကောင်စီရုံး၊ ပြည်ထဲရေး ၀န်ကြီးဌာနတို့တွင် တာ၀န်ထမ်းဆောင်ခဲ့ပြီး ဦးစီးအရာရှိ အဖြစ်မှ အငြိမ်းစား ယူခဲ့သည်။ ကိုဘအေး ဆောင်းပါးများဖြင့် စာပေးလောကသို့ ၀င်ရောက်ခဲ့ပြီး Myanmar ICT Newsတွင် ပြည်တွင်း၊ ပြည်ပ သတင်းများ ရေးသားလျက်ရှိပါသည်။

One thought on “ရန်ကုန်အပြည်ပြည်ဆိုင်ရာ လေဆိပ်ကို Business Airport အဖြစ်ဆောင်ရွက်သွားမည်

  1. Avatar U lay Gyi says:

    ဘယ္လုိေဆာက္မလဲေတာ.မသိဘူး။ ရန္ကုန္ကုိလဲ
    စင္ကာပူလုိျဖစ္ေအာင္လုပ္မယ္ဆုိျပီးေတာ. လွည္းတန္ ဂုံး ေက်ာ္တံတားက မီးပိြဳင္
    မရွိေအာင္ မေဆာက္ပဲ တံတား တစင္းတည္းနဲ. အရုပ္ဆုိးလုိက္တာ။ ျပီးေတာ. လက္ရွိ
    ေလဆိပ္ကလဲ စင္ကာပူက ဘူတာရုံ ေလာက္ေတာင္ မခန္းနားဘူး။ ေခတ္မမွီဘူး။

Leave a Reply

Your email address will not be published. Required fields are marked *