#Bluetooth ဆိုတဲ့အခေါ်အဝေါ်က လူတိုင်းနဲ့တော့ မစိမ်းတာအမှန်ပါပဲ။ ဒါပေမဲ့ #Bluetooth လို့နာမည်ပေးရခြင်းရဲ့ နောက်ခံသမိုင်းကြောင်းလေးတစ်ခုက ရှိခဲ့ပါတယ်။ အရင်တုန်းက နည်းပညာ Company တွေဟာ Device တွေကို တစ်ခုနဲ့တစ်ခု ကြိုးမဲ့ ချိတ်ဆက်ဖို့အတွက် နည်းလမ်းတစ်ခုကို ရှာဖွေခဲ့ကြပါတယ်။ အဲဒီ Company တွေဟာ 𝐁𝐥𝐮𝐞𝐭𝐨𝐨𝐭𝐡 𝐒𝐩𝐞𝐜𝐢𝐚𝐥 𝐈𝐧𝐭𝐫𝐞𝐬𝐭 𝐆𝐫𝐨𝐮𝐩 ( 𝐒𝐈𝐆 ) ဆိုတဲ့ အဖွဲ့အစည်းတစ်ခုကို ဖွဲ့စည်းလိုက်ကြပါတယ်။ #Bluetooth ဆိုတဲ့နာမည်ဟာ ဒိန်းမတ်နိုင်ငံရဲ့ ဟိုးရှေးရှေးတုန်းက ( တစ်ဆယ်ရာစုနှစ် ) ဘုရင်တစ်ပါးဖြစ်တဲ့ 𝐇𝐚𝐫𝐚𝐥𝐝 𝐁𝐥𝐮𝐞𝐭𝐨𝐨𝐭𝐡 ကနေ စတင်ခဲ့တာဖြစ်ပါတယ်။ ထိုခေတ်တုန်းက အဲဒီဘုရင်ကြီးဟာ မတူညီတဲ့ လူမျိုးစုတွေနဲ့ မတူညီတဲ့တိုင်းပြည်တွေကို အတူတကွ စည်းလုံးအောင် အမြဲလုပ်ဆောင်ပေးလေ့ရှိတာကြောင့် နာမည်ကျော်ကြားခဲ့ပါတယ်။ ဘုရင်ကြီးရဲ့ ကျော်ကြားတဲ့ လုပ်ဆောင်ချက်ကို အစွဲပြုပြီး #Bluetooth လို့ပေးခဲ့ကြပါတယ်။ အမှန်ပါပဲ Bluetooth ဟာလည်း Device တွေ တစ်ခုနဲ့တစ်ခုကို အတူတကွ ချိတ်ဆက်မိအောင် လုပ်ဆောင်ပေးတဲ့ #Wireless နည်းပညာတစ်ခုဖြစ်ပါတယ်။ ဆိုလိုတာက ဘုရင်ကြီး 𝐇𝐚𝐫𝐚𝐥𝐝 𝐁𝐥𝐮𝐞𝐭𝐨𝐨𝐭𝐡 ရဲ့ ကျော်ကြားမှုနဲ့ သဘောတရားခြင်းတူတယ်ပေါ့ဗျာ။ #Bluetooth ဆိုတဲ့နာမည်ကို စစခြင်းတော့ အသုံးပြုသင့် မပြုသင့် စဉ်းစားခဲ့ကြပေမဲ့ နောက်ပိုင်းမှာတော့ အသုံးပြုဖြစ်သွားခဲ့ကြပါတယ်။ #Bluetooth ရဲ့ Logo (အမှတ်တံဆိပ် ) ဟာ ဗိုက်ကင်း ကျောက်စာ နှစ်ခုကိုပေါင်းစည်းထားတာဖြစ်ပြီး အဲဒီ ကျောက်စာနှစ်ခုလုံးဟာ ဘုရင်ကြီး 𝐇𝐚𝐫𝐚𝐥𝐝 𝐁𝐥𝐮𝐞𝐭𝐨𝐨𝐭𝐡 ရဲ့ နာမည်အစတွေကို ကိုယ်စားပြုထွင်းထားခဲ့တာဖြစ်ပါတယ်။
ICT.com.mm မှာ စျေးလည်းဝယ်ရင်း ဗဟုသုတလေးတွေလည်း တိုးကြစေဖို့ သဘောကျတယ်ဆိုရင် Like and Share လေးလုပ်ပေးကြပါဦးနော်။ 
