ကျောင်းစာအုပ်တွေ ၀န်ပေါ့ချင်တယ်

ကလေးတွေ ကျောင်းတက်ရတော့မယ် ဆိုတာနဲ့ မိဘတွေရဲ့ ပိုက်ဆံဟာလည်း ဈေးကြီးတဲ့ ကျောင်းစာအုပ်တွေ ၀ယ်ဖို့ ကုန်ကျရတော့တာပါပဲ။ Nielsen၀က်ဘ်ဆိုဒ်ရဲ့ ထုတ်ပြန်ချက်တစ်ခု အရTabletအသုံးပြုတဲ့ ကျောင်းသားတွေရဲ့ ၇၁%ဟာ သူတို့ရဲ့ ကျောင်းစာအုပ်တွေကို Tabletပေါ်မှာပဲ ဖတ်ရှုချင်ကြတယ်လို့ သိရပါတယ်။ ဒါကို ဖြေရှင်းဖို့ ပြင်ဆင်နေတဲ့ ကုမ္ပဏီကတော့ Googleပါပဲ။ အခုဆိုရင် ကျောင်းသားတွေအနေနဲ့ Google Playကနေ ကျောင်းစာအုပ်တွေကို ငှားရမ်းတာဖြစ်စေ၊ ၀ယ်ယူတာ ဖြစ်စေလုပ်ပြီး ဖတ်ရှုအသုံးပြု နိုင်ကြပါပြီ။

Tabletအသုံးပြုတဲ့ အသက် ၁၃နှစ်အထက် ကျောင်းသားတွေဟာ Tabletကို ကောင်းကောင်း အသုံးချနိုင်ကြတာ တွေ့ရပါတယ်။ ကျောင်းသား ၅၁%က အင်တာနက် ရှာဖွေဖို့ သုံးတယ်၊ ၄၆%ကတော့ အီးမေးလ်သုံးပြီး စာအုပ်ဖတ်ကြတာကတော့ ကျောင်းသား ၄၂%ဖြစ်ပါတယ်။ Noteတွေ ရေးမှတ်ဖို့ ၄၀%နဲ့ အိမ်စာတွေ၊ Assignmentတွေ လုပ်ဖို့ကိုလည်း ကျောင်းသား ၃၀%လောက်က အသုံးပြုကြတယ်လို့ ဆိုပါတယ်။

အသက် ၁၁နှစ်အောက် ကလေးတွေမှာတော့ ၇၈ရာခိုင်နှုန်းသော မိဘတွေဟာ သူတို့ရဲ့ ကလေးတွေကို အိမ်မှာ Tabletပေးကစား ကြပြီး မိဘအများစုကလည်း သူတို့ကလေးတွေဟာ Tabletကို ပညာရေးရည်ရွယ်ချက်တွေ အတွက် အသုံးချကြတာ ဖြစ်တယ်လို့ ဆိုပါတယ်။ ဒါကြောင့် Tabletတွေမှာ ပညာရေးနဲ့ သက်ဆိုင်တာတွေ ပိုမိုထောက်ပံ့ပေးမယ် ဆိုရင်တော့ မိဘတွေ အနေနဲ့ စိတ်ချမ်းသာပြီး ကျောင်းသားတွေလည်း ပိုမိုအဆင်ပြေလာမှာ ဖြစ်ပါတယ်။
ကျောင်းသွားမယ်ပြီး ကျောပိုးအိတ်အကြီးကြီးတွေ လွယ်ကာသွားနေကြတဲ့ ကျောင်းသား၊ ကျောင်းသူလေးတွေကို မြင်ရင်တကယ်ပဲ စိတ်မကောင်းဖြစ်မိ ပါတယ်။ ဒါကြောင့်မို့လို့ ကျောင်းစာအုပ်တွေကို Tabletမှာ တစ်စုတစ်စည်းတည်း ဖန်တီးထားနိုင်ရင်တော့ ပိုမိုတိုးတက်လာမယ် ဆိုတာငြင်းစရာ မရှိတဲ့အပြင် မြန်မာအိုင်စီတီ ပရိသတ်တွေလည်း ဒီကိစ္စကို ဘယ်လိုမြင်တယ်ဆိုတာ မှတ်ချက်ပြုသွားပါဦး။