ရုပ်ပြကာတွန်းကုမ္ပဏီ Marvelက ဒီနှစ်မှာ ကြီးမားတဲ့ ပြောင်းလဲမှုများပြုလုပ်တော့မှာပါ။ Steve Rogersနေရာမှာ ပထမဆုံးလူမည်းဇာတ်ကောင် Sam Wilsonနဲ့ အစားထိုးတော့မှာ ဖြစ်ပါတယ်။ Sam Wilsonကို Falconလို့လည်း လူသိကြပါတယ်။ အဲဒီပြောင်းလဲမှုကို Thorဇာတ်ကောင်ကို အမျိုးသမီးနဲ့ အစားထိုးမယ်လို့ ကြေညာအပြီးနောက်တစ်ရက်မှာ ထုတ်ပြန်ခဲ့တာပါ။
Captain Americaရဲ့ ဒိုင်းကို ၂၀၀၇ ခုနှစ်မှာ ကာတွန်းမှာ စတင်ထည့်သွင်းခဲ့တာပါ။ Marvelက Civil War Seriesအပြီးမှာ ဒိုင်းကို Steve Rogersထံ ပေးအပ်ခဲ့တာဖြစ်ပါတယ်။ အခုတော့ Wilsonက ဒိုင်းကို လွှဲပြောင်းရယူတော့မှာ ဖြစ်ပါတယ်။
Falconဟာ Captain Americaရဲ့ မိတ်ဆွေဟောင်းများထဲမှ တစ်ယောက်ဖြစ်ပြီး အဓိကဇာတ်ကောင်နေရာကို ရယူတော့မယ်လို့ ရက်သတ္တပတ်ပေါင်း များစွာကတည်းက အသံထွက်နေတာပါ။ ဇာတ်လမ်းတွဲ ၂၁ မပြီးခင်မှာ Wilsonက အရင် လူစွမ်းကောင်းရဲ့ အသက်ကို ကယ်တင်မှာဖြစ်ပါတယ်။ ၁၉၆၉ ကတည်းက စတင်ခဲ့ဇာတ်လမ်းမှာ သူဟာ Marvelရဲ့ ပထမဆုံး အာဖရိကန် အမေရိကန် လူစွမ်းကောင်း ဖြစ်လာခဲ့ပါတယ်။
