LG L70 ကို ဘာစီလိုနာ မှာ ဖေဖော်ဝါရီလ တွင် ပြုလုပ်ခဲ့တဲ့ Mobile World Congress မတိုင်မီမှာ ကြေညာခဲ့တာဖြစ်ပါတယ်။ LG Optimus L7 II ရဲ့ မျိုးဆက်ဖြစ်ပါတယ်။ LG က ဈေးနှုန်း ကို ကြေညာခြင်းမရှိသေးပါဘူး။ ဒါပေမယ့် အရောင်းဆိုင်တစ်ချို့ က L70 ကို ကြိုတင်မှာယူခွင့်ပြုလိုက်ပြီဖြစ်ပါတယ်။
ဂျာမနီ Amazon DE က ယူရို (၁၇၉) ဖြင့် ကြိုတင် ရောင်းချပေးနေပြီး Clove UK က ယူရို (၁၆၅) ၊ ထိုင်၀မ် ePrice က ဒေါ်လာ (၁၆၃) ဖြင့် ကြိုတင်ရောင်းချပေးနေပါတယ်။
ဧပြီလ (၁) ရက်နေ့မှာ စတင် ပို့ဆောင်ပေးမှာဖြစ်ပါတယ်။
LG L70 မှာ ၄.၅ လက်မ အရွယ် 400×800 Pixels Display တပ်ဆင်ထားပြီး တစ်လက်မတွင် Pixels သိပ်သည်းဆ (၁၉၉) ရှိပါတယ်။ အရွယ်အစားအပြည့်အစုံ မှာ 5.01 x 2.63 x 0.37 in ဖြစ်ပါတယ်။ Dual-Core 1.2GHz Cortex-A7 Processor ကို မောင်းနှင်လည်ပတ်မှာဖြစ်ပါတယ်။ 1GB RAM ပါရှိပါတယ်။ 4GB Internal Storage ပါရှိပြီး MicroSD Card အသုံးပြုနိုင်ပါတယ်။ Android 4.4.2 KitKat ကို မောင်းနှင်လည်ပတ်မှာဖြစ်ပါတယ်။ အနောက်ဘက်မှာ တပ်ဆင်ထားတဲ့ ကင်မရာ က နိုင်ငံအလိုက်ကွဲပြားမှာ ဖြစ်ပြီး 8MP နဲ့ 5MP နှစ်မျိုးဖြစ်ပါတယ်။ မျက်နှာချင်းဆိုင်မှာ VGA Camera တပ်ဆင်ထားပါတယ်။
