သတင်းအချက်အလက်နှင့် ဆက်သွယ်ရေးနည်းပညာ ဖွံ့ဖြိုးတိုးတက်စေရေးအတွက် ရန်ကုန်တိုင်းဒေသကြီး ကွန်ပျူတာပညာရှင်အသင်းမှ ကြီးမှူး၍ ၂၀၁၄ ခုနှစ်၊ ဇူလိုင်လ (၁၈) ရက် သောကြာနေ့၊ နေ့လယ် (၂း၀၀ မှ ၄း၀၀) နာရီအထိ ရန်ကုန်မြို့၊ လှိုင်မြို့နယ်၊ MICT Park ၊ အခန်း(၂၀၅) တွင် ကွန်ပျူတာပညာရှင်အသင်း အလုပ်အမှုဆောင် ဦးဝေဖြိုးသွင်မှ “Knowledge Sharing for Advancing Your POS System” ခေါင်းစဉ် နှင့် ပတ်သက်၍ ဆွေးနွေးပြောကြားပေးမည် ဖြစ်ပါသည်။
အဆိုပါ ဟောပြောပွဲ၌ နိုင်ငံတကာတွင် လက်ရှိအသုံးပြုလျက်ရှိသော POS System များ၏ အားသာချက် များ၊ နည်းပညာအသစ်များကို သိရှိနားလည် အသုံးချစေနိုင်ရန်နှင့် Local POS System များ ပိုမို ပြည့်စုံကောင်းမွန်လာစေရန်၊ Developer များအတွက် နည်းပညာဗဟုသုတနှင့် အတွေ့အကြုံများ မျှဝေနိုင်ရန် ပြောကြားပေးသွားမည် ဖြစ်သည်။
အဆိုပါ ဟောပြောပွဲကို Software Company တည်ထောင်ထားသူများ၊ Software ရေးဆွဲသည့် ပညာရပ် ဖြင့်အသက်မွေးဝမ်းကြောင်းပြုလုပ်နေသူများ၊ IT နည်းပညာကို စိတ်ပါဝင်စားသူ မည်သူမဆို (အခမဲ့) တက်ရောက် ဆွေးနွေးနိုင်ပါသည်။ အသေးစိတ်သိလိုပါက မြန်မာနိုင်ငံကွန်ပျူတာပညာရှင် အသင်းရုံးခန်း၊ အဆောင်(၄) အခန်း(၄)၊ MICT Park၊ ဖုန်း − ၀၁−၆၅၂၂၇၆၊ ၀၉−၇၃၀၈၈၃၀၀ သို့ ဆက်သွယ်မေးမြန်းနိုင်ပါသည်။
မနောဖြူလေး
