ကမ္ဘာ့ဖလားခြေစစ်ပွဲစဉ်အဖြစ် အင်္ဂလန်အသင်းသည် ယူကရိန်း အသင်းမြေသို့ သွားရောက် ကစားရမည်ဖြစ်ပြီး အရေးပါသော အဆိုပါပွဲစဉ်တွင် အင်္ဂလန်တိုက်စစ်ပိုင်း ပြဿနာနှင့် ရင်ဆိုင်နေရကြောင်း သိရသည်။
အင်္ဂလန်အသင်းသည် အုပ်စု (H)တွင် ခုနှစ်ပွဲကစားပြီး ရမှတ် ၁၅မှတ်ဖြင့် ထိပ်ဆုံးမှ ဦးဆောင်နိုင်ပြီး ဒုတိယနေရာတွင် မွန်တီနီဂရိုးက ရှစ်ပွဲကစား ကာ ၁၅မှတ်ဖြင့် လည်းကောင်း၊ ယူကရိန်း အသင်းက ခုနစ်ပွဲကစား၁၄မှတ်ဖြင့် တတိယနေရာမှလည်းကောင်း ရပ်တည်နေရာ ခြေစစ်ပွဲ တိုက်ရိုက်အောင်မြင်ရေးမှာ သုံးသင်းစလုံးတွင် အခွင့်အရေးဆတူ ရှိနေဆဲဖြစ်သည်။
ထို့အပြင် အင်္ဂလန်အသင်းအနေဖြင့် လက်ကျန်သုံးပွဲစလုံးတွင် မွန်တီနီဂရိုးနှင့် ပိုလန်အသင်းတို့အား လက်ခံကစားရဦးမည်ဖြစ်ရာ ခြေစစ်ပွဲ အုပ်စုအဆင့်မှ ကျော်လွန်ရေးမှာ ရွိုင်းဟော့စ်ဆန်အတွက် ဖိအားများ ရှိနေပြီဖြစ်သည်။ ၄င်းအပြင် ရွန်းနီမှာ နဖူးဒဏ်ရာကြောင့် ယခုတစ်ပတ်အတွင်း ကစားခဲ့သော နှစ်ပွဲကို လွဲခဲ့သလို စတာရစ်ချ်မှာလည်း ပေါင်တွင်းကြော ဒဏ်ရာရထားသဖြင့် ယူကရိန်းပွဲအား သေချာပေါက် လွဲခဲ့ရသည့်အပြင် တောင်ပံတိုက်စစ် ကစားသမား ၀ဲလ်ဘက်မှာ မော်လ်ဒိုဗာနှင့် ပွဲတွင် အဝါကတ် ထပ်မံထိခဲ့၍ ယူကရိန်းနှင့်ပွဲကို လွဲချော်ရပြီဖြစ်ပြီး ရစ်ကီလမ်းပတ်ကိုသာ အားကိုးရတော့မည် ဖြစ်ကြောင်း သိရသည်။
