မိမိဖုန်းသို့ ခေါ်ဆိုသည့် ကြိုးဖုန်း၏ လိပ်စာ သိရှိနိုင်မည့် Golden Call Locator ဆော့ဖ်ဝဲ

Golden Call Locator ဆော့ဖ်ဝဲ အသုံးပြု၍ မိမိဖုန်းအတွင်း ဝင်ရောက်လာသော ကြိုးဖုန်းနံပါတ်၏ နေရပ်ဒေသ၊ အိမ်လိပ်စာ၊ လမ်း နာမည်၊ မြို့နယ်၊ တိုင်းဒေသကြီးတို့ကို အတိအကျ သိရှိနိုင်ကြောင်း သိရသည်။ Android OS ဖုန်းကိုင်သည့်သူတိုင်းအတွက် Golden Call Locatorကို Install ပြုလုပ်ရုံဖြင့် ဖုန်းအတွင်း ဝင်လာသော ဖုန်းနံပါတ်၏ လိပ်စာအတိအကျကို သိရှိနိုင်ရုံသာမက လိပ်စာရှာဖွေချင်သော ဖုန်းနံပါတ်ကိုလည်း ဆော့ဖ်ဝဲအတွင်း ဖုန်းနံပါတ် ရိုက်ထည့်၍ ရှာဖွေနိုင်သည်ဟု ဆိုသည်။

ယင်းဆော့ဖ်ဝဲ အသုံးပြုသူ တစ်ဦးက “ဒီဆော့ဖ်ဝဲက အသုံးဝင်ပါတယ်။ ဥပမာ-အလုပ်ကိစ္စ ဖုန်းဆက်ရင် လိပ်စာတောင်းဖို့ မေ့သွားတာမျိုးဆိုရင် ဖုန်းထပ်ဆက်ဖို့ မလိုဘူး။ ဖုန်းနံပါတ်နဲ့ လိပ်စာကို ရှာလို့ ရသွားတယ်”ဟု ပြောသည်။

အဆိုပါ ဆော့ဖ်ဝဲသည် ကြိုးဖုန်းနံပါတ်များ၏ နေရပ်လိပ်စာများကိုသာ အတိအကျ သိရှိနိုင်ပြီး ပြည်တွင်းတွင်သာ အသုံးပြုနိုင်မည်ဟု ဆိုသည်။ Golden Call Locator ဆော့ဖ်ဝဲကို မြန်မာနိုင်ငံတွင်သာ အသုံးပြုနိုင်ပြီး www.myanmarmobileapp.comတွင် ဒေါင်းလုပ် ရယူနိုင်ကြောင်း သိရသည်။