KMD Computer Centre အနေဖြင့် နိုင်ငံတကာရှိအဖွဲ့အစည်းများ ၊ သင်တန်းကျောင်းများနှင့်ယှဉ်၍ UK အစိုးရ အသိအမှတ်ပြု စကော့တလန် အရည်အချင်းစစ် အဖွဲ့အစည်း Scottish Qualification Authority (SQA) မှ ဂုဏ်ပြုချီးမြှင့်သော SQA International Star Award 2014 ဆုကို ဆွတ်ခူးရရှိကြောင်းသိရပါသည် ။
International SQA Star award ဟာ SQA ပညာရေးကို ပေးအပ်လျှက်ရှိသော စင်တာ၏ အောင်မြင်မှုကို အသိ အမှတ်ပြုသည့် ဂုဏ်ပြုဆုတစ်ခု ဖြစ်ပါသည်။ SQA အနေဖြင့် 2014 ခုနှစ်တွင် နိုင်ငံတကာရှိ Pre-HND နှင့် HND ဒီပလိုမာသင်တန်းအား ဖွင့်လှစ်သင်ကြားပေးလျက်ရှိသော သင်တန်းကျောင်း အဖွဲ့အစည်းများထဲမှကျောင်းသား၊ ကျောင်းသူများ၏ အရည်အသွေးများနှင့် စွမ်းရည်ကို လက်တွေ့ အကောင်အထည်ဖော်နိုင်အောင် အကောင်းဆုံး အထောက်အကူပေးသည့် သင်တန်းကျောင်းအား ရွေးချယ်၍ SQA International Star Awardကို ချီးမြှင့်ပေးခြင်း ဖြစ်ပါသည် ။ KMD Computer စင်တာအနေဖြင့် 2014 ခုနှစ်တွင် သင်တန်းကျောင်းသား၊ ကျောင်းသူတက် ရောက်မှု အများဆုံးဖြစ်ခြင်း ၊ ထူးချွန်သော ကျောင်းသားကျောင်းသူများစွာ မွေးထုတ်ပေးနိုင်ခြင်း ၊ ကျောင်းသား ကျောင်းသူများအတွက် ပိုမိုအထောက်အကူပြုသော သင်ကြားရေးနည်းစနစ်များဖြင့် သင်ကြားပေးခြင်းနှင့် တက် ရောက်ရန် အဆင်ပြေသောအချိန်များကို ပြင်ဆင်စီစဉ်ထားခြင်းစသည့် အရည်အချင်းများကြောင့် နိုင်ငံတကာ အဖွဲ့အစည်းနှင့်ကျောင်းများကို ကျော်ဖြတ်၍ SQA International Star Award ဆုကို ထိုက်ထိုက်တန်တန် ဆွတ်ခူး ရရှိခဲ့ကြောင်း သိရှိရပါတယ် ။ KMD Computer စင်တာမှ ဒီဇင်ဘာလအတွင်း ထပ်မံဖွင့်လှစ်မည့် တန်းခွဲသစ်များ အတွက်လဲ ကြိုတင်စာရင်းပေးသွင်း အပ်နှံနိုင်ကြောင်း သိရှိရပါတယ်။ သင်တန်းနှင့်ပတ်သက်၍ အသေးစိတ် သိရှိလိုပါက ဖုန်း KMD 01-700-895 ၊ 01-502-233 သို့ ဆက်သွယ်စုံစမ်းနိုင်ပါတယ် ။
