LG ကသူ့ ရဲ့ စွမ်းဆောင်ရည်မြင့် ဖုန်းဖြစ်တဲ့ LG G Pro 2 အား ရောင်းချမယ့် နိုင်ငံများကို ကြေညာလိုက်ပါတယ်။ LG က G Pro 2 ကို ဖေဖေါ်ဝါရီလ အလယ် မှာ တရားဝင် ကြေညာခဲ့တာဖြစ်ပြီး နောက်တပတ်အတွင်းမှာ ကိုရီးယားမှာ စတင်ရောင်းချပေးလိုက်တာဖြစ်ပါတယ်။
LG G Pro ကို ယခုအခါ အာရှမှာ ရောင်းချမှာဖြစ်ပါတယ်။ ပထမဆုံး ရရှိမယ့် နိုင်ငံများကတော့ ဟောင်ကောင်၊ ထိုင်ဝမ်၊ စင်္ကာပူ၊ ဖိလစ်ပိုင်၊ ဗြိတိန် နဲ့ အင်ဒိုနီးရှား နိုင်ငံတို့ ဖြစ်ပါတယ်။ အဲဒီနိုင်ငံများကို ရောင်းချပြီး နောက်ပိုင်းရက်များတွင် အခြားနိုင်ငံများကို ရောင်းချမှာ ဖြစ်ပါတယ်။
LG က ကမ္ဘာ တဝှမ်းလုံး Phablet အသုံးပြုမှု များပြားလာတဲ့အတွက်ကြောင့် LG G Pro 2 ကို ထုတ်လုပ်ရောင်းချရခြင်း ဖြစ်ပါတယ်။ LG G Pro 2 ကို ဥရောပတွင် ရောင်းချပြီး ရက်သတ္တပတ် အနည်းငယ်တွင် အမေရိကန်နိုင်ငံမှာ ရောင်းချမှာ ဖြစ်ပါတယ်။
LG G Pro 2 တွင် ၅.၉ လက်မ (1080×1920) Pixel Display တပ်ဆင်ထားပါတယ်။ 3 GB RAM, Internal Memory 16 ဒါမှမဟုတ် 32 GB ရွေးချယ် ဝယ်ယူနိုင်ပြီး 64 GB ထိ ဝင်ဆံ့တဲ့ Micro SD Card ကိုလည်း ထည့်သွင်း အသုံးပြုနိုင်ပါတယ်။ အနောက်ဘက်တွင် 13MP ကင်မရာတပ်ဆင်ထားပြီး LED Flash ပါရှိပါတယ်။ Quad-Core 2.26 GHz Krait 400 Processor နဲ့ Android OS, v4.4.2 (KitKat) ကို မောင်းနှင်လည်ပတ်မှာ ဖြစ်ပါတယ်။ 3200 mAh Battery တပ်ဆင်ထားပါတယ်။
LG G Pro 2 ဟာ Samsung Galaxy Note 3 ကို ယှဉ်ပြိုင်နိုင်တဲ့ Phablet ဖြစ်ပါတယ်။ LG G Pro ရဲ့ စွမ်းဆောင်ချက်များ ကို ဒီဆောင်းပါး မှာ အသေးစိတ်လေ့လာနိုင်ပါတယ်။
