မကြာမီ က သတင်းထွက်ပေါ်ခဲ့တဲ့ Redmi Phone ကို မျှော်လင့်ထားတဲ့ ရက်ထက် စောစီးစွာ မြင်တွေ့ရဖို့ ရှိနေပါတယ်။ Redmi Note လို့ အမည်ပေးထားတဲ့အတွက် ကညစ်တံပါတဲ့ တရုတ်ဖုန်း ဖြစ်လာမလား ဆိုတာ စိတ်၀င်စားစရာကောင်းပါတယ်။ Xiaomi က နောက်ထွက်လာမယ့် ဖုန်းနဲ့ ပတ်သက်တဲ့ သတင်းအချက်အလက်အနည်းငယ် ကို ဓာတ်ပုံတစ်ခု ထုတ်ပြန်ပြီး အရိပ်အမြွက်ပြောကြားထားပါတယ်။ ဓာတ်ပုံထဲက သတင်းအချက်အလက်အရ ၅.၅ လက်မ 720p Display တပ်ဆင်ထားမှာဖြစ်ပါတယ်။ 1.4GHz ဒါမှမဟုတ် 1.7GHz Octa-Core Processor မောင်းနှင်လည်ပတ်မှာဖြစ်ပါတယ်။ ဈေးနှုန်း ကို မပြောပြထားပေမယ့် လက်ရှိရောင်းချနေတဲ့ Redmi ဖုန်း ရဲ့ ဈေးနှုန်း ဖြစ်တဲ့ ဒေါ်လာ ၁၁၀ နဲ့ MI2 ရဲ့ ဈေးနှုန်း ဖြစ်တဲ့ ဒေါ်လာ ၂၄၀ ကြားမှာ ရောင်းချမယ်လို့ ကျွမ်းကျင်သူများ က သုံးသပ်ပါတယ်။ အဲဒီအတွက် ဒေါ်လာ ၁၆၀ ၀န်းကျင်နဲ့ ရောင်းချမှာဖြစ်ပါတယ်။ တရုတ်မှာနေထိုင်သူများ က မတ်လ (၁၉) ရက်နေ့မှာ Tencent ရဲ့ Qzone App ကနေ ကြိုတင်မှာယူနိုင်ပြီဖြစ်ပါတယ်။ အခြားဘယ်နိုင်ငံများမှာ ရောင်းချမလဲဆိုတာ မသိရသေးပါဘူး။
Redmi Note Phone ရဲ့ အရင်ထွက်ပေါ်ခဲ့တဲ့ သတင်းများအရ 1GB RAM , Android 4.2.2 တို့ကို အသုံးပြုမှာဖြစ်ပါတယ်။ အနောက်ဘက်မှာ 13 Megapixel Camera နဲ့ မျက်နှာချင်းဆိုင်မှာ 5 Megapixel Camera တပ်ဆင်ထားပါတယ်။ TENAA ၀က်ဆိုက်မှာ တော့ 8 Megapixel Camera တပ်ဆင်ထားမယ်လို့ ရေးသားထားပါတယ်။ 32GB အထိ၀င်ဆန့်တဲ့ MicroSD Card အသုံးပြုနိုင်မှာဖြစ်ပါတယ်။ ပြည်တွင်းပြိုင်ဖက်တွေ ဖြစ်တဲ့ Huawei, Coolpad, Hisense တို့ကို ယှဉ်ပြိုင်ဖို့ LTE စွမ်းဆောင်ချက် မပါဘူးလို့ သိရပါတယ်။ ပြိုင်ဖက် တွေ က LTE Phone တွေကို ဒေါ်လာ (၁၃၀) ၀န်းကျင်နဲ့ တရုတ် ပြည်မှာ ရောင်းချပေးနေပါတယ်။
