နှိုးစက်နာရီတွေ အများကြီးပါ။ လက်တံကို လက်နဲ့လှည့်ပေးပြီး နှိုးစက်ကို ချိန်မလား၊ ဒစ်ဂျစ်တယ်နည်းနဲ့ အချိန်ကို ရွှေ့ပြီး နှိုးစက်ချိန် မလား။ ဒီလို နှိုးစက်တွေနဲ့ မတူဘဲ ကွန်ပျူတာထဲကနေ သင် လိုအပ်တဲ့ အချိန်မှာ အတိအကျ နှိုးပေးမယ့် နာရီက ပိုပြီး ကောင်းမယ်ထင်လို့ မိတ်ဆက်ပေးလိုပါတယ်။ Lux Aeterna Software (www.lux-aeterna.com) က ထုတ်လုပ်ပေးတဲ့ Speaking Clock Deluxe သည် ကွန်ပျူတာ desktop ပေါ်က နာရီဆိုတာထက် နှိုး စက်ကို အသားပေးထားပုံက နှစ်သက်စရာပါ။ နှိုးဖို့ အချိန်သတ်မှတ်ပေးပြီး နှိုးရမယ့် တေးက Endless Love.wav နဲ့ဖြစ်ပါတယ်။ လက်တွေ့လည်း အတိအကျ နှိုးပေးတာကို တွေ့ရပါ တယ်။
Speaking Clock Deluxe သည် တကယ်ပဲ အံ့သြဖွယ် ရေးဆွဲထားတဲ့ ဆော့ဖ်ဝဲတစ်ခုဖြစ်ပြီး ဘာသာရပ် ၃၀ ကျော်နဲ့ အသုံး ပြုနိုင်ပါတယ်။ ကိုယ်ပိုင် အသံသွင်းထားပြီး alarm အဖြစ် သုံးနိုင်ပါ တယ်။ ဖိုင်အရွယ်အစား 3.607MB နဲ့ ရက် ၃၀ အခမဲ့ စမ်းသပ်သုံးခွင့်ပြုပေးထားပါတယ်။ အပြည့်အဝ သုံးချင်ရင်တော့ ဝယ်ယူသုံးစွဲ နိုင်ပါတယ်ရှင်။
