LG ကလည်း စမတ်နာရီ ပြိုင်ပွဲထဲ ၀င်ရောက်လာပါပြီ။ LG က Google နဲ့ ပူးပေါင်းပြီး G Watch စမတ်နာရီ ကို ထုတ်လုပ်လိုက်ပြီဖြစ်ပါတယ်။ G Watch မှာ Google ရဲ့ Wearable Device တွေအတွက် အထူးပြုလုပ်ထားတဲ့ Android Wear OS ကို လည်ပတ်မောင်းနှင်မှာ ဖြစ်ပါတယ်။
LG က အသေးစိတ်သတင်းအချက်တွေကို ထုတ်ဖော်ခြင်းမရှိသေးပါဘူး။ Engadget က ဖော်ပြထားတဲ့ သတင်းမှာ လေယာဉ် အချိန်ဇယား တွေကို ဖော်ပြထားတဲ့ စမတ်နာရီ ကို တွေ့ရှိပါတယ်။ G Watch ကို Voice Command တွေနဲ့ ခိုင်းစေနိုင်ပြီး ဧပြီလ နဲ့ ဇွန်လအတွင်းမှာ ရောင်းချမှာဖြစ်ပါတယ်။
Google က Android Wear OS ကို အင်္ဂါနေ့မှာ ကြေညာခဲ့ပါတယ်။ Android Wear က Mobile Android OS ကို ပြုပြင်ထားတာဖြစ်ပြီး ချပ်၀တ်တန်ဆာ ကွန်ပြူတာတွေအတွက် အတူးရည်ရွယ်ပြုလုပ်ထားတာဖြစ်ပါတယ်။ Google က စမတ်နာရီ အတွက် Android Wear ကို ရည်ရွယ်ထုတ်လုပ်တာဖြစ်ပေမယ့် အခြား ချပ်၀တ်တန်ဆာ ကွန်ပြူတာတွေမှာ လည်း အသုံးပြုနိုင်မယ်လို့ မျှော်လင့်ရပါတယ်။ Google က Android Wear ကို အသုံးပြုဖို့ ကြေညာထားတဲ့ Hardware Partner တွေထဲမှာ LG လည်း ပါ၀င်ပါတယ်။
Google က စမတ်နာရီ အတွက် Operating System ကို မတ်လမှာ ထုတ်ဖော်ကြေညာမယ်ဆိုတာ ကို Cnet က အရင်ကတည်းက သတင်းပေးထားတာဖြစ်ပါတယ်။ LG က G Watch စမတ်နာရီ ကို ထုတ်လုပ်မယ်ဆိုတာ ကို လည်း Cnet က အရင်ကတည်းက သတင်းပေးထားပါတယ်။
