နည်းပညာ အဖွဲ့တစ်ခုဖြစ်တဲ့ Azoi က ကျန်းမာရေးစောင့်ရှောက်ပေးနိုင်တဲ့ iPhone Case ကို ထုတ်လုပ်လိုက်ပါတယ်။ Samsung Galaxy S5 မှာပါတဲ့ နှလုံးခုန်နှုန်း ကို တိုင်းတာပေးနိုင်တဲ့ Sensor ပါရှိပါတယ်။ အခြား Sensor များလည်း ပါရှိပြီး သွေးဖိအား ၊ သွေးတွင်း အောက်ဆီဂျင်ပါ၀င်မှု၊ အဆုတ် အလုပ်လုပ်မှု များ ကို တိုင်းတာပေးနိုင်ပါတယ်။ တိုင်းတာမှုများ ဟာ အလွန်တိကျတယ်လို့ Company က ပြောပါတယ်။
အဆိုပါ Case ဟာ Fitness Apps များနဲ့ တွဲဖက် အလုပ်လုပ်နိုင်သလို Pedometers လို အခြား Fitness Device များနဲ့လည်း တွဲဖက် အလုပ်လုပ်နိုင်ပါတယ်။ iPhone Case က တိုင်းတာထားတဲ့ သတင်းအချက်အလက်များကို အဝေးမှ ကြည့်ရှုနိုင်တဲ့အတွက် မိသားစု ၀င်တွေရဲ့ ကျန်းမာရေး ကို စောင့်ကြည့်နိုင်ပါတယ်။
Wello App ကို ပြုလုပ်ပေးထားပြီး အချိန်နဲ့ တစ်ပြေးညီ သတင်းအချက်အလက်များ ကို သိနိုင်ပါတယ်။ iPhone Case ရဲ့ Sensor များ က တိုင်းတာပေးထားတဲ့ သတင်းအချက်အလက်များ ကို App ကနေသိနိုင်ပါတယ်။
ကျန်းမာရေး အခြေအနေ ကို အချိန်နဲ့ တစ်ပြေးညီ သိနိုင်တဲ့အတွက် နာမကျန်းဖြစ်မှု နဲ့ ရောဂါ ဖြစ်ပွားမှုများ ကို လျှော့ချနိုင်မှာ ဖြစ်ပြီး ကျန်းမာပျော်ရွှင်တဲ့ ဘ၀ များ ကို ပိုင်ဆိုင်နိုင်မှာဖြစ်တယ်လို့ Company က ပြောပါတယ်။
Wello Case ကို အမေရိကန် ၊ ဗြိတိန် နဲ့ အခြား ကမ္ဘာ့နိုင်ငံများမှာ ရောင်းချပေးမှာ ဖြစ်ပါတယ်။ အမေရိကန် နဲ့ ဥရောပမှာ ပထမဆုံး ရောင်းချပေးမှာဖြစ်ပြီး စတာလင်ပေါင် ၁၂၀ ၊ ယူရို ၁၄၅ တန်ကြေးရှိမှာဖြစ်ပါတယ်။ အမေရိကန် မှာ ဒေါ်လာ ၁၉၉ နဲ့ ရောင်းချပေးမှာဖြစ်ပါတယ်။ Azoi.com ၀က်ဆိုက်ကနေ ကြိုတင်မှာယူနိုင်ပါတယ်။
https://www.youtube.com/watch?feature=player_embedded&v=3c6QdNhy1Aw
